Adam Rippon

Adam Rippon bi de Weltmeesterschap 2010

Adam Rippon (* 11. November 1989 in Scranton, Pennsylvania) is en US-amerikanischer Ieskunstlöper, de in’t Eenzel antreeden is.

Persönliches

Rippon is dat öldste van söss Kinner. Bi Gebort weer he doov, is aber later an de Yale University opereert wurrn un kann nu meest perfekt hören.

Karriere

De 1,72 m groot Rippon wurr 2008 un 2009 Junioren-Weltmeester. Tweemal nahnanner hat dat bit dorhen noch nümms schafft.

2010 wunn Rippon de Veer-Kontinente-Meesterschapen. Dör dat Afseggen van Evan Lysacek un Johnny Weir keem Rippon in dat glieker Johr to sien eersten Weltmeesterschapsinsatz bi de Utwussen. 2010 in Turin keem he dorbi glieks up den sössten Platz. Twee Johr later, in Nizza, keem de US-Viezmeester aber blots up den 13. Platz.

Eerst 2015 kunn he, weer as US-Viezmeester, weer an Ieskunstloop-Weltmeesterschapen deelnehmen. Bi de Weltmeesterschap in Shanghai keem he up den 8. Platz.

Een Johr later, in‘ Januar 2016 wurr Adam Rippon eerstmals US-Meester un bi de Weltmeesterschap in Boston keem he nah düchtig goot loopen Kür weer up den 6. Platz. Den Platz reck he ok bi dat Grand-Prix-Finale in dat glieker Johr. Mittlerwiel kunn he ok de veerfack Lutz un Toeloop springen.

Bi de Olympisch Winterspelen 2018 in Pyeongchang reck dat för hüm aber blots för Platz 10, in den Teamwettbewarf kunn he aber de Bronzemedaille winnen.

Weblinks

• Statistik up de Siet van de ISU (engelsch)