Yale University

De Yale University in New Haven (Connecticut) is en vun de renommeertesten Universitäten vun de Welt un de dartöldste Hoochschool in den USA. Se is in privat Drägerschap. Un hett över 11.000 Studenten. De Universität verfügt 2011 mit rund 19,4 Milliarden US-Dollar nah de Harvard University över dat tweetgröttste Stiftungskapital vun en Billensinrichtung weltwiet.[1] Se is Liddmaat vun de so nömmt Ivy League, en Grupp vun acht US-Eliteuniversitäten in‘ Nordosten vun de USA, un Grünnensliddmaat vun de Association of American Universities, en siet 1900 bestahn Verbund vun führen forschungsintensiv nordamerikaansch Universitäten. Doröver herut hörrt Yale den Hoochschoolverbund International Alliance of Research Universities an. Mit Harvard un Princeton wurrd Yale in Medien un Sellschopp weltwiet as en vun de dree inflootrieksten, renommeertesten un leistungsstarksten Ivy-League-Universitäten vun de USA worhnommen.[2]

De Yale University verfügt over mehr as twee Dutzend Bibliotheken mit över 12,5 Millionen Bökern.[3] Insgesamt 49 Nobelpriesträger hemm in Yale studeert, lehrt oder arbeitet. To de Afsolventen tellen fiev US-Präsidenten, 19 Richter vun den böversten Gerichtshoff vun de Vereenigten Staaten un verscheeden utländsch Staatsböverhoopten. De Yale Law School is de selektivste Law School vun de USA.[4]

Historie

De Yale-Universität is nah de Harvard University in Cambridge (Massachusetts) un dat College of William and Mary in Williamsburg (Virginia) de dartöldst amerikaansch Hoochschoolinrichtung. De Anfänge vun Yale liggen in den Besluss An Act for Liberty to Erect a Collegiate School vun dat General Court vun de Kolonie Connecticut van’ 9. Oktober 1701, wonah en Kollegschool erricht wurrn sull. Bald dornah hett en Grupp vun 10 Kongregationalisten hör as Harvard-Schöler erhollen Materialien de in Richtung as Grundstock för de Bibliothek stift. De Harvard University weer Johren tovör de eenzige Hoochschool in Nordamerika. Yale wurr grünnd, um Führungspersonen uttobillen. De oorsprünglich Collegiate School nömmt Anstalt hett ehrn Lehbedriev in dat Huus vun hör eersten Rekter Abraham Pierson (1646–1707) in Killingworth, hüüd Clinton (Connecticut) upnommen.

1716 truck de Collegiate School nah New Haven um un wurr 1718 nah en umfangriek Spende vun Elihu Yale in Yale College umnömmt.

Harkness Tower
Sterling Memorial Library
Yale Old Campus

In dat 19. Johrhunnert wurr dat College um en Reeg vun wiederführen Institutschonen utwiet, so de Yale Medical School (1810), de Yale Divinity School (1822), de Yale Law School (1843), de Yale Graduate School of Arts and Sciences (1847), de Sheffield Scientific School (1861), un de Yale School of Fine Arts (1869).

1887 wurr de Gesamtkomplex vun disse Institutschonen in Yale University umnömmt, wobi Yale College de offizielle Beteeken för den so nömmten undergraduate Beriek vun de Universität wurr.

Wiedere Graduate Schools, de sietdem grünnd oder de Universität angleedert wurrn, sünd de Yale School of Music (1894), de Yale School of Forestry & Environmental Studies (1901), de Yale School of Public Health (1915), de Yale School of Nursing (1923), un de Yale School of Management (1976).

Wiels de Graduate Schools all lang Studenten vun beid Geschlechter upnehmen, weer Yale College bit 1969 blots männlich Studenten vörbehollen.

An de Yale University befind sück de Beinecke Rare Book and Manuscript Library, de en Papyrussammlung un en groot Antall vun Inkunabeln besitt. To de Universität hört ok de Yale University Art Gallery, dat öldste Kunstmuseum vun en Universität vun de westliche Hemisphäre.[5]

De Yale School of Architecture wurrd siet 1972 as separate Yale-Architekturschool führt. Hör Direktor is siet 1998 de renommeerte Architekt Robert Arthur Morton Stern.[6]

Baas vun de Collegiate School, dat Yale College un de Yale University

Rektoren vun dat Yale College Boren–Storven Jahre as Rektor
1 The Rev. Abraham Pierson (1646–1707) (1701–1707)
2 The Rev. Samuel Andrew (1656–1738) (1707–1719) (pro tempore)
3 The Rev. Timothy Cutler (1684–1765) (1719–1726)
4 The Rev. Elisha William(s) (1694–1755) (1726–1739)
5 The Rev. Thomas Clap (1703–1767) (1740–1745)
Präsidenten vun dat Yale College Boren–Storven Johren as Präsident
1 The Rev. Thomas Clap (1703–1767) (1745–1766)
2 The Rev. Naphtali Daggett (1727–1780) (1766–1777) (pro tempore)
3 The Rev. Ezra Stiles (1727–1795) (1778–1795)
4 Timothy Dwight IV. (1752–1817) (1795–1817)
5 Jeremiah Day (1773–1867) (1817–1846)
6 Theodore Dwight Woolsey (1801–1899) (1846–1871)
7 Noah Porter III (1811–1892) (1871–1886)
8 Timothy Dwight V (1828–1916) (1886–1899)
9 Arthur Twining Hadley (1856–1930) (1899–1921)
10 James Rowland Angell (1869–1949) (1921–1937)
11 Charles Seymour (1885–1963) (1937–1951)
12 Alfred Whitney Griswold (1906–1963) (1951–1963)
13 Kingman Brewster, Jr. (1919–1988) (1963–1977)
14 Hanna Holborn Gray (1930–) (1977–1977)
15 Angelo Bartlett Giamatti (1938–1989) (1977–1986)
16 Benno Charles Schmidt, Jr. (1942–) (1986–1992)
17 Howard Roberts Lamar (1923–) (1992–1993)
18 Richard Charles Levin (1947–) (1993–2013)
19 Peter Salovey (1958–) (2013–)

Studentenvereenigungen

An de Yale-Universität hemm eenige bekannt Studentenvereenigungen ehr Sitt. Dorto hörrn Skull & Bones, Scroll and Key, Wolf’s Head, Book and Snake un Berzelius.

Sport

Dat Footballstadion faat rund 66.000 Tokiekers.

De Sportmannschapen vun dat Yale College wurrn as de Yale Bulldogs betekent. Se spelen meest in de Ivy League, deren acht Liddmaaten in‘ Gegensatz to de Mehrtall vun US-amerikaansch Hoochscholen kien Sportstipendien vergeven.

Rankings

In verscheeden Bewertungen för akademische Institutschonen reckt die Universität regelmäßig Spitzenpositionen. De nipp un nau Platzeere ännert sük as bi de anner Top-Universitäten vun Johr to Johr licht, wobi sück de internatschonalen Spitzen-Universitäten immer de böversten 10 bit 15 Plätze deelen. So steiht Yale to’n Bispeel in dat Hoochschoolranking U.S. News & World Report[7] 2016 up Platz dree un nah Forbes[8] 2015 up Platz fiev vun de best US-Universitäten – as jedes Johr in de vergangen 16 Johren. De Universität gell nah den renommeerten Philosophical Gourmet Report (2014–2015) in dat Fack Philosophie as een vun de fiev besten in den USA[9] un speziell in de Fackberieken Ethik un Philosophie vun de Neetiet (17. un 18. Johrhunnert) as een vun de weltbesten.[10]

Nobelpriesdräger

Bedüüden Afsolventen

Wetenschap un Technik

Literatur un Publizistik

Kunst un Medien

Politik un Verwalten

Sport

Partneruniversitäten

De Yale University ünnerhollt in‘ Rahmen vun dat Connecticut-Baden-Württemberg-Landesprogramm Partnerschapen mit den folgen düütsch Universitäten: Eberhard Karls Universität Tübingen, Ruprecht-Karls-Universität Heidelbarg, Albert-Ludwigs-Universität Freiburg, Universität Hohenheim, Karlsruher Institut för Technologie, Universität Konstanz, Universität Mannheim, Universität Stuttgart un Universität Ulm.[11] Besünnere Uttuuschprogramme pleegt de theologische Fakultät vun de Yale University (Yale Divinity School) mit de dree öldsten nömmt Universitäten vun Baden-Württemberg: Tübingen (insluutend dat Tübinger Stift), Heidelbarg un Freiburg.[12] Todem bestahn Uttuuschafkommen tüschen Yale un de Free Universität Berlin.[13]

Weblenken

Yale University. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

  1. ↑ Tom Conroy: [1] YaleNews | Investment Return of 21.9% Brings Yale Endowment Value to $19.4 Billion, yale.edu van‘ 28. September 2011, afropen an‘ 4. Dezember 2011
  2. ↑ Le Monde diplomatique - Die Kandidatenmacher; vgl. Times Higher Education: World Reputation Rankings 2012
  3. ↑ [2] Yale University Library: Libraries & Collections A-Z, Library.yale.edu van’ 10. Juli 2006, afropen an’ 16. September 2009
  4. ↑ [3] 2009 Raw Data Law School Rankings: Acceptance Rate (Ascending) Internet Legal Research Group, afropen an’ 29. April 2012
  5. ↑ http://www.buildings.yale.edu/property.aspx?id=26
  6. ↑ Yale School of Architecture: "Building history." (engelsch), afropen an‘ 10. April 2007.
  7. ↑ US News National Universities Rankings
  8. ↑ Forbes America's Top Colleges
  9. ↑ The Philosophical Gourmet Report - Ranking Of Top 50 Faculties In The English-Speaking World / Ranking Of Faculties In The United States
  10. ↑ The Philosophical Gourmet Report - Summary Of Rankings By Department
  11. ↑ Study Abroad: Connecticut Baden-Württemberg Exchange Program, Participating BW Universities
  12. ↑ Student Exchange Opportunities – Baden-Württemberg Exchange (Heidelberg, Freiburg, Tübingen in Germany)
  13. ↑ The Fox International Fellowships – Freie University of Berlin

Koordinaten: 41° 18′ 38″ N, 72° 57′ 37″ W

Strategi Solo vs Squad di Free Fire: Cara Menang Mudah!