Edward Herrera (Pietà, 14 ta' Novembru 1986) huwa plejer tal-futbol Malti li jilgħab bħala difensur fuq il-faxex.
Karriera
Edward huwa prodott ta' Melita FC u kellu esperjenza li jilgħab fl-ewwel tim magħhom. Huwa kellu tliet snin ta' suċċess, mill-2003 sal-2006 huwa għamel 52 apparenzi u skorja 20 gowl. Wara ż-żmien tiegħu ma Melita, Edward mar ma Pietà Hotspurs fl-2006 fejn huwa qatta' sentejn, jiġifiri sal-2008. Ma Pieta, huwa għamel 43 apparenza u skorja ħames gowls. Edward beda jagħti fl-għajn mal-ogħla klabbs tal-Premier League speċjalment wara l-prestazzjonijiet tiegħu mat-tim nazzjonali tal-U19 u U21, Hibernians irnexxielhom jiffirmaw iż-żagħżugħ promettenti.
Ma Hibernians, Edward laħaq il-massimu tiegħu f'erba' snin. L-ewwel staġun tiegħu ma' Hibernians, li kien 2008-2009, kien wieħed memorabbli fejn Hibernians rebħu l-10 titlu tagħhom tal-Premier League fl-istorja tagħhom. Fl-istaġun ta' wara, Edward kiseb mument memorabbli ieħor, kif din id-darba, Edward għamel id-debutt tiegħu mat-Tim Nazzjonali. Fit-18 ta' Novembru 2009 kien inkluż bħala sostitut fil-telfa ta' 4-1 fil-logħba ta' ħbiberija kontra l-Bulgarija. F'dan l-istaġun, Hibernians li kienu qedgħin jiddefendu t-titolu tal-Premier League tagħhom spiċċaw fis-6 post.
L-istaġun 2010-2011 kien ħmar il-lejl mhux mistennija għal Hibernians kif intemmew fid-9 post imma dawn ma kienux relegati,iżda l-Malta Football Association applikat bidliet għall-istaġun ta' wara, li tim wieħed jiġi relegat. F'dan l-istaġun, Herrera skorja sitt gowls. L-istaġun 2011-2012 kien staġun ta' żewġ sezzjonijiet għal Hibernians, iżda mhux għal Herrera kif kien konsistenti bil-prestazzjonijiet pożittivi matul l-istaġun kollu. Hibernians għamlu sfida qawwija għat-titolu tal-kampjonat iżda dawn kellhom jissodisfaw fit-tieni post. Madankollu huma ġew lura milli jirbħu t-Tazza Maltija li kienet l-ewwel waħda għal Herrera fil-karriera tiegħu. Fil-Premier League, huwa rrnexxilu jiskorja erba' gowls.
Fl-istaġun 2012-2013 fetaħ sew kemm għal Hibernians u Edward, fejn Hibernians rebħu t-Tazza Euro li kienet ukoll l-ewwel waħda għal Herrera. Wara nuqqas ta' tiġdid tal-kuntratt ta' Angus Buhagiar, Birkirkara kienu nieqsa minn difensuri u l-għażla immedjatament waqgħet fuq id-difensur internazzjonali Edward Herrera. Hu ffirma kuntratt ta' ħames snin il-Ħamis, 30 ta' Awwissu 2012. Huwa għamel id-debutt tiegħu fil-31 ta' Awwissu, fejn Birkirkara għelbu lil Rabat Ajax bil-punteġġ ta' 2-0. Herrera kien inkluż bħala sostitut fis-63 minuta. Hu għen lit-tim tiegħu biex jikseb it-titolu tal-Premier League Malti għar-raba' darba billi fetaħ l-iskor għal Birkirkara.
Internazzjonali
Herrera għamel id-debutt internazzjonali tiegħu għall-Malta fit-18 ta' Novembru 2009, f'logħba ta' ħbiberija kontra l-Bulgarija.[1] Huwa daħal fil-grawnd bħala sostitut flok Kevin Sammut fis-56 minuta. Fl-10 ta' Settembru 2013, hu skorja l-ewwel gowl tiegħu għal darb'oħra kontra Bulgarija.[2]
Gowls
- Punteġġi u r-riżultati ta' Malta qedgħin fil-lista xellugija.
Unuri
- Hibernians
- Birkirkara
Referenzi
Ħoloq esterni
