सांता बार्बरा हे अमेरिका देशाच्या कॅलिफोर्निया राज्यातील एक लहान शहर आहे. हे शहर कॅलिफोर्नियाच्या पश्चिम भागात लॉस एंजेलस शहराच्या ९० मैल वायव्येस प्रशांत महासागराच्या किनाऱ्यावर वसले असून २०१० साली येथील लोकसंख्या ९० हजार होती.
येथील भूमध्यसारख्या हवामानामुळे व निसर्गरम्य समुद्रकिनाऱ्यांमुळे सँटा बार्बराला अमेरिकेचे रिव्हिएरा असा खिताब लाभला आहे. सुप्रसिद्ध अमेरिकन गायिका केटी पेरी येथील रहिवासी आहे. साइक या दूरचित्रवाणी मालिकेचे कथानक या शहरात आहे.
वाहतूक
सांता बार्बरा यूएस १०१ महामार्गावर आहे. कॅलिफोर्निया १ तथा पॅसिफिक कोस्ट हायवे हा महामार्ग या भागात १०१वरुनच धावतो. महामा येथील विमानतळावरुन पश्चिम अमेरिकेतील निवडक शहरांना विमानसेवा उपलब्ध आहे.
सांता बार्बरा रेल्वे स्थानक सॅन डियेगो-लॉस एंजेलस-सॅन होजे-पोर्टलँड-सिॲटल रेल्वेमार्गावर आहे. कोस्ट स्टारलाइट ही गाडी येथे थांबते.
शिक्षणव्यवस्था
युनिव्हर्सिटी ऑफ कॅलिफोर्निया ॲट सांता बार्बरा[१] हे या शहरातील प्रसिद्ध विद्यापीठ आहे.
बाह्य दुवे
- ^ "University of California, Santa Barbara". १२ जुलै २०२३ रोजी पाहिले.
