व्ही.आर.ए. मैदान हे नेदरलँड्सच्या ॲम्स्टलवीन शहरातील एक मैदान आहे. प्रामुख्याने हे मैदान क्रिकेट साठी वापरण्यात येते.
२६ मे १९९९ रोजी केन्या आणि दक्षिण आफ्रिका या दोन संघांमध्ये या मैदानावरचा पहिला आंतरराष्ट्रीय एकदिवसीय सामना खेळवला गेला. तर ३० जून २०१५ रोजी नेदरलँड्स आणि नेपाळ या दोन संघांमध्ये या मैदानावरचा पहिला आंतरराष्ट्रीय ट्वेंटी२० सामना खेळवला गेला.
२६ जून २००२ रोजी नेदरलँड्स आणि न्यू झीलंड या दोन देशांमध्ये या मैदानावरचा पहिला महिला एकदिवसीय सामना खेळवला गेला. ७ जुलै २०१८ रोजी बांगलादेश आणि पापुआ न्यू गिनी या दोन देशांमध्ये या मैदानावरचा पहिला महिला ट्वेंटी२० सामना खेळवला गेला.
