राष्ट्रीय महामार्ग ५ (National Highway 5) हा भारताच्या पंजाब, चंदीगढ व हिमाचल प्रदेश ह्या राज्यांमधून धावणारा एक राष्ट्रीय महामार्ग आहे. हा महामार्ग पंजाबमधील भारत-पाकिस्तान सीमारेषेवरील फिरोजपूर ह्या गावामध्ये सुरू होतो व पूर्व व ईशान्य दिशांना ६६० किमी धावून भारत-चीन आंतरराष्ट्रीय सीमेवरील शिपकी ला ह्या तिबेटजवळील घाटामध्ये संपतो. हा महामार्ग मोगा, जगराव, लुधियाना, मोहाली, चंदीगढ, पंचकुला, कालका, सोलन, सिमला, ठियोग, नारकंडा, कुमारसेन व रामपूर ह्या नगरांमधून धावतो. हिमाचल प्रदेशातील बराचसा भाग सतलज नदीच्या जवळून काढण्यात आला आहे.
जुळणारे प्रमुख महामार्ग
