सेंट जॉर्ज पार्क क्रिकेट मैदान (सामान्यत: सेंट जॉर्ज पार्क,[१][२][३] क्रुसेडर्स मैदान[४] किंवा फक्त क्रुसेडर्स म्हणून ओळखले जाणारे) हे दक्षिण आफ्रिकेतील गकेबरहामधील (पूर्वी पोर्ट एलिझाबेथ म्हणून ओळखले जाणारे) क्रिकेटचे मैदान आहे. हे पोर्ट दक्षिण आफ्रिकेतील सर्वात जुने क्रिकेट क्लब-एलिझाबेथ क्रिकेट क्लब, इस्टर्न प्रोव्हिन्स क्लब आणि सनरायझर्स इस्टर्न केप यांचे घरचे मैदान आहे. दक्षिण आफ्रिकेत ज्या ठिकाणी कसोटी सामने आणि एकदिवसीय सामने खेळले जातात त्यापैकी हे एक ठिकाण आहे. हे ग्रॅहमटाउनमधील किंग्सवुड कॉलेजपेक्षा जुने आहे. हे मैदान त्याच्या ब्रास बँडसाठी प्रसिद्ध आहे जे मोठ्या सामन्यांदरम्यान वातावरण निर्मितीसाठी वाजवले जाते.
मार्च १८८९ मध्ये इंग्लंडने दक्षिण आफ्रिकेचा ८ गडी राखून पराभव केला तो ह्या मैदानावरील पहिला कसोटी सामना होता.[१] हा दक्षिण आफ्रिकेचा पहिला कसोटी सामना होता. २०२३ पर्यंत, या मैदानावर ३२ कसोटी सामने खेळले गेले आहेत ज्यात दक्षिण आफ्रिकेने १४ जिंकले आहेत आणि १३ त्यांच्या प्रतिस्पर्ध्यांनी जिंकले तर ५ सामने अनिर्णित राहिले आहेत.
या मैदानावर पहिला एकदिवसीय आंतरराष्ट्रीय डिसेंबर १९९२ मध्ये खेळवला गेला ज्यात दक्षिण आफ्रिकेने भारताचा ६ गडी राखून पराभव केला होता. २०२३ पर्यंत, या मैदानावर ४३ एकदिवसीय आंतरराष्ट्रीय सामने खेळले गेले आहेत ज्यात २००३ क्रिकेट विश्वचषक स्पर्धेतील पाच सामन्यांचा समावेश आहे.
अधिकृत नाव
मैदानाचे अधिकृत नाव व्यावसायिक प्रायोजकत्व व्यवस्थेला मान्यता देत आहे.[५] तथापि, दक्षिण आफ्रिका आणि इतर क्रिकेट चाहते मैदानाला फक्त "सेंट जॉर्ज पार्क" ह्या त्याच्या ऐतिहासिक नावानेच संबोधतात. सेंट जॉर्जच्या प्रसिद्ध दंतकथेवर आधारित त्याचे टोपणनाव "द ड्रॅगन लेअर" आहे.
२००३ क्रिकेट विश्वचषक
सेंट जॉर्ज पार्क हे २००३ विश्वचषकादरम्यान सामने आयोजित करण्यासाठी दक्षिण आफ्रिका, झिम्बाब्वे आणि केन्या मधून निवडलेल्या १५ ठिकाणांपैकी एक होते. स्पर्धेदरम्यान ३ गट सामने, १ सुपर सिक्स सामना आणि उपांत्य फेरीसह एकूण ५ येथे सामने आयोजित केले गेले.
२००९ इंडियन प्रीमियर लीग
जेव्हा आयपीएल २००९ दक्षिण आफ्रिकेत हलवण्यात आले, तेव्हा सेंट जॉर्ज पार्क हे सामने आयोजित करण्यासाठी दक्षिण आफ्रिकेतील आठ ठिकाणांपैकी एक म्हणून निवडले गेले. या मैदानावर सात सामन्यांचे आयोजन करण्यात आले होते, ते सर्व गट सामने होते.
वॉरियर्स क्रिकेट
हे स्टेडियम वॉरियर्सच्या २ होम ग्राउंड्सपैकी एक आहे, दुसरे आहे ईस्ट लंडन चे बफेलो पार्क. या स्टेडियममध्ये सनफॉइल सीरिज, मोमेंटम १डे कप (पूर्वी MTN डोमेस्टिक चॅम्पियनशिप) आणि रॅम स्लॅम टी२० चॅलेंज मधील वॉरियर्सचे होम सामने आयोजित केले जातात.
संदर्भयादी
.svg){kind=small}
.svg){kind=small}
