Хиба Камал Салех Абу Нада 24 јуни 1991(1991-06-24) Мека, Саудиска Арабија
Починал(а)
20 октомври 2023(2023-10-20) (возр. 32) Кан Јунис, Појас Газа
Занимање
поетеса, романописец, нутриционистка
Хиба Камал Абу Нада (24 јуни1991 — 20 октомври2023) — палестинскa поетeсa, романописец, нутриционисткa[1] и википедијанка.[2] Нејзиниот роман „Кислородот не е за мртвите“ го освоил второто место на наградата Шарџа за арапска креативност во 2017 година.[3][4] Таа била убиена во нејзиниот дом во појасот Газа од израелски воздушен напад во војната Израел-Хамас од 2023 година.
Животопис
Абу Нада била родена во Мека, Саудиска Арабија на 24 јуни 1991 година. Таа добила диплома по биохемија на Исламскиот универзитет во Газа, и завршила магистерски студии по клиничка исхрана на Универзитетот Ал-Азхар.[5]
Работела одредено време во Центарот за креативност Русул, поврзан со Институтот за сираци Ал-Амал.[6] Според весникот Ал-Ајам, таа била „преокупирана со правдата, востанијата на Арапската пролет и реалноста на палестинскиот живот под окупација“.[7]
Таа објавила голем број збирки поезија и роман со наслов al-Uksujīn laysa lil-mawtā („Кислородот не е за мртвите“, арап.الأكسجين ليس للموتى). Во 2017 година, таа го освоила второто место за нејзиниот роман на 20-тата годишна награда за арапска креативност Шарџа, што се одржала во Обединетите Арапски Емирати.[8][9] Книгата била повторно објавена од Дар Диван во 2021 година.[10]
Смрт
Нејзината последна објава на интернет била на 8 октомври 2023 година, кога напишала:[11]
Ноќта на Газа е темна, без сјајот на ракетите, тивка без звукот на бомбите, застрашувачка освен удобноста на молитвата, црна освен светлината на мачениците.Добра ноќ, Газа.
На 20 октомври 2023 година, таа била убиена во Израелско-палестинската војна, за време на воздушен напад на израелските воздухопловни сили, кој го погоди нејзиниот дом во Кан Јунис во јужниот дел на Газа. Таа имаше 32 години.[12][13]
↑„Gaza: Muerte de una poeta“ [Gaza: Death of a poet]. ContraPunto (шпански). 21 October 2023. Архивирано од изворникот на 23 October 2023. Посетено на 23 October 2023.
