Убивање на елен или Лов на елен - Плен (француски: L'Hallali du cerf), ― многу голема уметничка слика (355 на 505 цм), претставувајќи ловечка сцена, насликана во 1867 година од Гистав Курбе. Сликата моментално е изложена во Музејот на ликовни уметности и археологија во Безансон.
Историја
Сликата е направена во текот на зимата 1866-1867 година. Таа е во голем формат што бил ново применет од Курбе, како и во Погреб во Орнан и Ателјето на сликарот. Делото било изложено во француските уметнички салони и академии во 1869 година. Сликата предизвикала одреден скандал, а главните формати претходно биле резервирани за благороднички историски слики, наместо за сцени од лов.
Иконографија
На сцената се гледа елен нападнат од глутница ловечкикучиња и паднат на снежната земја. Два лика се од десната страна. Обучувачот е Кизенје Жил, жител на Орнан, додека човекот на коњ е Феликс Годи, од Вијафан.[1] Ловџискиот повик (француски: L'Hallali) е во традицијата на претставување на сценскиот лов, од XVII век. Курбе користи груба вистинита претстава поблиска до фламанските модели. Сцените со лов се вообичаени во сликите на Курбе; секој чекор од потерата е претставен
