Статуата на Хари Кејн е скулптура на фудбалерот, Хари Кејн завршена во 2020 година, која требало да биде поставена во Чингфорд, Лондон кон крајот на 2024 година.[2]
Статуа
Статуата била нарачана кога Кејн бил играч на тимот од северен Лондон, Тотенхем Хотспар. На статуата е прикажан Кејн како седи на клупа со фудбал на коленото.
Изработката на склуптурата била финансирана од Советот на Волтам Форест по цена од 7.200 фунти во 2019 и 2020 година. Биле истражени неколку локации за поставување на статуата и таа сепак останала во складиште додека да се договори локација за поставување. Првично требало да се наоѓа на железничката станица Чингфорд, но тоа било одбиено по проценката на ризикот од Транспорт за Лондон. Одбиен е и планот за негово поставување во паркот Риџвеј.[3]
Првите слики од статуата биле добиени од уличниот весник „ Големото прашање“ во 2024 година. Сликите наишле на одредени критики при што некои од луѓето прашувале дали некој фудбалер треба да биде прикажан како седи на клупа на начинот на кој е прикажан, додека други се исмевале со кафената боја на склуптурата односно, чоколадниот изглед.[4]
