Стадион „Благој Истатов“

Прволигашки натпревар на „Младост“ меѓу Беласица и Академија Пандев

Стадионот „Благој Истатов“ — фудбалски стадион во Струмица. Сместен е во Градскиот парк, во околината на повеќе спортски објекти. Стадионот е под концесија на ФК Беласица. Тој е изграден во 1950 година. Со реконструкцијата од 2017 година има сместивост за повеќе од 7 и пол илјади гледачи. До 2019 година стадионот го носи името „Младост“, а познат е и како Градски стадион Струмица.

„Благој Истатов“ денес е модерен стадион и според стандардите на УЕФА исполнува услови за квалитетни натпревари од висок ранг, единствен таков во државата заедно со Националната арена.^[1] Покрај матичната Беласица, на стадионот своите натпревари ги игра и ФК Академија Пандев. Националната репрезентација на Македонија во неколку наврати има одиграно меѓународни натпревари овде.

Меѓународни натпревари

Списокот не е целосен и претставени се само меѓународните натпревари на ФК Беласица по 1991 година и на Македонската репрезентација.

Датум	Натпреварување	Противник	Резултат
ФК Беласица
—	Квалификации за УЕФА куп 2002/03	Леишоинс	2–2
—	Квалификации за УЕФА куп 2003/04	Публикум	0–5
Фудбалска репрезентација на Македонија
000000001995-04-12-000012 април 1995	пријателски натпревар	Бугарија	0–0
000000002009-02-10-000010 февруари 2009	пријателски натпревар	Канада	3–0
000000002017-09-05-00005 септември 2017	Квалификации за СП во фудбал 2018	Албанија	1–1
000000002017-10-09-00009 октомври 2017	Квалификации за СП во фудбал 2018	Лихтенштајн	4–0

Наводи

1. „Што доби Македонија со реконструкцијата на „Младост": Нов претставителен објект за европски натпревари“. ekipa.mk. 15 септември 2017. Посетено на 7 ноември 2019.

Надворешни врски

• „Спортски објекти“ - стадион „Младост“. www.strumica.gov.mk - официјално мрежно место на општина Струмица.