Пинакотека на современата уметност

Пинакотека на современата

Pinakothek der Moderne
Пинакотека на современата, надворешност
Основан	Септември 2002
Место	Минхен, Германија
Тип	Музеј на современата уметност
Фонд	Уметност, архитектура, дизајн, графика
Мреж. место	Official website

Пинакотека на современата уметност или скратено Пинакотека на современата (германски: Pinakothek der Moderne) — уметничка галерија во Минхен отворена во 2002 година. Во овој музеј се сместени уметнички дела од современата уметност на 20 и 21 век и со изложбена површина од 22.000 м², тој е еден од најголемите музеи на современата уметност во светот. Ова е трет музеј кој ја комплетира уметноста на Минхен, веднаш до Старата пинакотека (уметнички дела од средниот век до крајот на 18 век) и Нова пинакотека (дела на уметници од 19 век).

Влезниот хол под куполата со пречник од 30 м.

Историја

Музеј за дизајн во Пинакотека на современата

Внатрешноста на уметничкото крило на Пинакотека на современата

Зградата има права фасада во која преовладуваат тенки сиви и бели бетонски столбови и ѕидови отворени со големи прозорци, кои носат рамен покрив. Секој од четири агли на зградата, поврзани со средишната ротонда, се посветени на друга збирка: уметност (Kunst), архитектура (Architektur), дизајн (Design) и графика (Graphik).

Зградата на Пинакотеката на современата уметност ја проектирал германскиот архитект Стефан Браунфелс уште во 1990-тите, а била отворена по седум години градба во септември 2002 година. Изградбата доцнела заради бирократски поплаки за изгледот и цената (чинела 120 милиони долари, а поради изгледот мештаните ја нарекуваат „картонска кутија“), но на крајот проблемите биле решени благодарение на приватните дарувања.^[1]

Во 2004 година, фондацијата Данер го финансирала отворањето на постојана изложба за накит, збирката накит Данер, која содржи дела на повеќе од стотина меѓународни златари.

Збирка

Збирката на музејот главно се состои од збирка уметнички дела од 20 век од минхенскиот „Дом на уметноста“ (Haus der Kunst), збогатена со дела од Националната баварска збирка на современа уметност „(Sammlung Moderne Kunst)“ и се смета за еден од најважните и најпосетуваните музеи на современата уметност во Европа.

Збирката од 1945 година нагло растела со собирање на т.н „Изопачена уметност“ која била прогонувана од нацистите, но и од приватни донации. Така, во музејот се застапени многу уметнички правци и движења од 20 век, како што се: експресионизам, кубизам, фовизам, нова стварност, Баухаус, надреализам, апстрактен експресионизам, поп-арт, минимализам итн.

Во музејот се изложени дела на познати уметници како: Пабло Пикасо, Анри Матис, Салвадор Дали, Рене Магрит, Жоан Миро, Франц Марк, Макс Бекман, Василиј Кандински, Енди Ворхол и многу други уметници.

Хронолошка галерија на избрани дела

• 
  Пола Модерсон-Бекер, Голо дете со аквариум, околу 1907
• 
  Ернст Лудвиг Кирхнер,Чешко езеро, 1911
• 
  Роберт Делоне,Тимот на Кардиф, 1913
• 
  Франц Марк, Тирол, 1914
• 
  Аугуст Мека, Дами во зелена боја,1914
• 
  Хуан Грис, Шише Бордо, 1915
• 
  Ернст Лудвиг Кирхнер, Танц на жените, 1915
• 
  Оскар Шлемер, Танчерка, околу 1923
• 
  Едуардо Чилида, Бускандо ла Луз, 1997

Музејот има и една од најголемите светски збирки на применетата уметност и дизајн со околу 70.000 експонати. Збирката е основана во 1925 година, а најголемиот дел е изложен во подрумот на музејот. Некои од поважните предмети се:

• 
  Кристофер Дресер, Сребрен чајник од слонова коска, 1879
• 
  Анри ван де Велде, Столица, 1895
• 
  Чарлс Рени Мекинтош, Столица, околу 1903
• 
  Герит Ритвелд, Детска столица, околу 1919
• 
  БМВ Р52, 1928 година.
• 
  Ханс Ледвинка,Татра 87, 1937 година.
• 
  Херберт Хирхе, ТВ Браун HF1, 1958
• 
  Електрична машина за пишување ИБМ, 1961
• 
  Мати Суронен, Футуро куќа, 1970
• 
  Епл Мекингтош 128, 1981
• 
  Порше 911 СЦ, 1986 година.

Наводи

1. Desmond Butler, A Home for the Modern In a Time-Bound City, New York Times 10. studenoga 2002. (англиски) Pristupljeno 18. kolovoza 2017.

Надворешни врски

• Пинакотека на современата уметност на Ризницата ^?
• Матична страница