Петнаесетта египетска династија

Египет
Местоположба на Петнаесетта египетска династија
Главен град		Аварис
Уредување		Апсолутна монархија

Петнаесеттата, шестнаесеттата и седумнаесеттата династија на Стар Египет честопати се спојувааат под заедничкиот назив, Втор среден период. 15-та династија датира од 1650 до 1550 година пред нашата ера.^[1] Династијата била странска за древниот Египет, основана од Салитис, Хиксос од Западна Азија чиј народ ја нападнал земјата и го освоил Долен Египет.

Владетели

Познати владетели на 15-та династија се следниве:^[2]

Петнаесетта династија

Име	Слика	Датуми и објаснување
Салитис		Споменат од Манетон за прв крал на династијата; во моментов неидентификуван со кое било познато археолошки потврдено лице.
Семкен		Споменет во Кралскиот список што се чува во Торино. Според Рихолт, тој бил ран владетел на Хиксос, веројатно првиот крал на династијата;[2] фон Бекерат го става кај 16-та династија.[3]
Аперанат		Споменет во Кралскиот список. Според Рихолт, тој бил ран владетел на Хиксос, веројатно втор крал на династијата; фон Бекерат го става кај 16-та династија.[3]
Сакир-Хар		Наречен како ран крал на Хиксос на вратна каса, откриена во Аварис. Владетелскиот ред несигурен.
Хјан
Апофис		ок. 1590? П.н.е. - 1550 година п.н.е.
Хамуди		ок. 1550-1540 година п.н.е.

15-та династија на Египет била првата хиксоска династија, управувана од Аварис, без контрола врз целата земја. Хиксовците претпочитале да останат во северен Египет, бидејќи се инфилтрираа од североисток. Имињата и редот на кралевите не се сигурни. Кралскиот список од Торино означува дека имало шест хиксоски кралеви, при што нејасен Хамуди бил наведен како краен крал на 15-та династија.

Број на кралеви по име Апепи

Некои научници тврдат дека имало двајца кралеви од Апофис по име Апепи I и Апепи II, но тоа првенствено е затоа што има двајца познати преносни за овој крал: Авосере и Акененре. Како и да е, данскиот египтолог Ким Рихолт тврдел во својата студија за Вториот среден период дека овие превенции се однесуваат на еден човек: Апепи I, кој управувал со Египет преку 40 години.^[4] Ова е поткрепено и со вметнувањето на овој крал на трето име за време на неговото владеење: Небхепешре.^[5] Во текот на неколку периоди на неговото владеење, Апофис веројатно си дал различни имиња. Ова сценарио не е без преседан или паралелно, бидејќи се знае дека неколку кралеви, меѓу кои Ментухотеп II, познатиот Рамзес II и Сети II, за време на нивното владеење користеле две различни преноми/имиња.

Наводи

1. Shaw, Ian, уред. (2000). The Oxford History of Ancient Egypt. Oxford University Press. стр. 481. ISBN 0-19-815034-2.
2. K.S.B. Ryholt: The Political Situation in Egypt during the Second Intermediate Period, c.1800–1550 BC, Carsten Niebuhr Institute Publications, том 20. Copenhagen: Museum Tusculanum Press, 1997, excerpts available online here.
3. Јирген фон Бекерат: Handbuch der ägyptischen Königsnamen, Münchner ägyptologische Studien, Heft 49, Mainz : P. von Zabern, 1999, ISBN 3-8053-2591-6, available online Архивирано на 22 декември 2015 г. види стр. 120–121.
4. Kim Ryholt, The Political Situation in Egypt during the Second Intermediate Period c.1800-1550 B.C. by Museum Tuscalanum Press. 1997. стр. 125
5. Kings of the Second Intermediate Period University College London; scroll down to the 15th dynasty

Библиографија

• Ким Рихолт, „The Political Situation in Egypt during the Second Intermediate Period c.1800-1550 B.C.“ од Museum Tuscalanum Press (ISBN 87-7289-421-0)

Претходник Четиринаесетта династија

Египетска династија 1650−1550 п.н.е.

Наследник Шестнаесетта династија