Поглед на параклисот
Свети Архангел Михаил — параклис во селото Ропотово. Сместен е на влезот од селото, од левата страна на патот кој води од Македонски Брод.
Камен-темелник за изградба на параклисот бил поставен на 17 јуни 2008 година.[1]
Градбата на параклисот претставува крстокуполен храм со кружна купола, полукружна апсида на источната страна и две полукружни крила на северната и јужната страна. Влезот е сместен на западната страна и пред него има натстрешница. Над натстрешницата има полукружна ниша со фреска на којашто е прикажан Архангел Михаил. Куполата содржи четири монофори распоредени во круг. Објектот е изграден од камен и е покриен со лимен кров.