Метро станицата Агиос Антониос (грчки: Άγιος Αντώνιος, македонски: Свети Антониј) ― метро станица на атинското метро.
Името го добила од блиската христијанска православна црква посветена на Свети Антониј. Оваа станица е во Перистери, најголемата општина во областа западна Атина. Таа била прва станица во областа и ги намали сообраќајните проблеми во Перистери. Пред станицата е авенијата Панаги Цалдари, една од важните авении на Перистери, која ја поврзува западна Атина со авенијата Кифису (до пристаништето Пиреја, јужните и северните предградија на градот и Државниот пат 1 до Ламија, Лариса, Солун, општо Северна Грција и Балканот) и средиштето на градот. На секои неколку секунди, автобуси и тролејбуси, таксиња поминуваат кон атинското средиште, Агии Анаргири, Илион, Петруполис, Хајдари, Егалео итн. Станицата Агиос Антониос има два излеза, еден од десната страна на улицата Панаги Цалдари, а другиот од левата страна. Таа е една од најсовремените и најтехнолошките станици на метро мрежата, откако стапила во функција во јули 2004 година.
Наводи
Надворешни врски
Службена мрежна страница
