Марија (починала во 751) била византиска царица, втора сопруга на царот Константин V Копроним.
Марија се омажила за Константин V околу 750 - 751 година. Ова бил втор брак на царот. Првата сопруга на Контантин V, Ирина Хазарска, починала најверојатно при раѓањето на нивниот син - Лав IV Хазар.
Според хрониката на патријархот Никифор, Марија починала во исто време кога Лав IV Хазар бил крунисан за соцар. Причината за нејзината смрт е непозната.
Марија починала без да роди деца на Константин V. По смртта Константин се оженил за Евдокија од која имал шест деца.