Бад Ротенфелде

Бад Ротенфелде
Главната управна зграда на бањата во Бад Ротенфелде Главната управна зграда на бањата во Бад Ротенфелде
Бад Ротенфелде
Управа
Земја	Германија
Покраина	Долна Саксонија
Округ	Оснабрик
Градоначалник	Клаус Рекемпер (ДХС)
Основни податоци
Површина	18,19 км^2
Надм. височина	96 м
Население	8.597 (31 декември 2022)[1]
- Густина	473 жит/км^2
Други информации
Часовен појас	CET/CEST (UTC+1/+2)
Рег. табл.	OS
Пошт. бр.	49214
Повик. бр.	05424
Портал	www.bad-rothenfelde.de
Местоположба на Бад Ротенфелде во рамките на округот Оснабрик
Карта
Координати	52°06′42″N 8°09′38″E

Бад Ротенфелде (до 1905 година: Ротенфелде; германски: Bad Rothenfelde) — општина во округот Оснабрик, во сојузната покраина Долна Саксонија, Германија. Местото е признато одморалиште и лековита бања.

Местото е сместено на Тевтобуршката Шума, околу 20 километри југоисточно од безокружниот град Оснабрик, помеѓу Хилтер на Тевтобуршката Шума и Дисен на Тевтобуршката Шума.

Географија

Местоположба

Бад Ротенфелде се наоѓа неколку километри јужно од Тевтобуршката Шума на премин кон Источна Вестфалија и во триаголникот на градовите Билефелд, Минстер и Оснабрик. Највисока точка е „Клајне Берге“ (208 метри; Kleine Berg).

Општински единици

Кон Бад Ротенфелде припаѓаат местата Ашендорф и Штранг.

Соседни општини

Бад Ротенфелде на запад се граничи со Бад Лар, на север со Хилтер на Тевтобуршката Шума, на исток со Дисен на Тевтобуршката Шума, додека на југ со градот Ферсмолд во округот Гитерсло (Северна Рајна-Вестфалија).

Галерија

• 
  Ветерница во местото
• 
  Католичката црква „Св. Елизабета“
• 
  Хаус Палстеркамп

Наводи

1. „Населеност на окрузите, општините и месните заедници во Долна Саксонија на 31 декември 2022“. Служба за статистика и комуникациска технологија на Долна Саксонија. јули 2023. (германски)

Надворешни врски

• Бад Ротенфелде на Ризницата ^?