Првото пишано спомнување на градот е од 1231 како Лиевенверде („Lievenwerde“). Значењето на името е Live или Lieb за живот или сакано и werde од werda што значи остров, високо место во вода. Документот од 1231 го спомнува Ото од Илебург, фогт на Ливенверде и свештеникот Плебан Валтер. Либенверда има замок со шанец, кој е познат како Кула Лубварт. Првото спомнување на Либенверда како град е од 1304. Либенверда бил дел од Изборното кнежевство Саксонија и Кралството Саксонија до 1815; по Виенскиот конгрес областа станала округ во Кралството Прусија. Градот поседува бањи од 1905, а од 1925 го додал зборот „Бад“ (Bad) кон неговото име.
Култура и архитектура
Во Бад Либенверда се наоѓа готската црква Св. Никола. Камбанаријата на црквата била повторно изградена кон крајот на 19 век по удар на гром на кулата, кој предизвикал пожар. Кулата Лубварт е најстарата градба во градот. Кулата била изградена околу 1207 како дел од замокот со шанец. Веднаш до кулата е музејот за изложби за композиторот Карл Хајнрих Граун и неговите браќа.
