Џамија Кебир Мехмед Челеби

Џамија Кебир Мехмед Челеби
Поглед на џамијата
Основни податоци
Место	Центар, Скопје, Македонија
Координати	41°59′57.6″N 21°26′42.7″E
Припадност	сунитски ислам
Архитектонски опис
Архитектонски тип	џамија
Архитектонски стил	османлиски
Завршен	1469
Особености
Минариња	1
Прогласен за	културно наследство на Македонија

Џамија Кебир Мехмед Челеби — стара османлиска џамија во Скопје. Му припаѓа на Скопското муфтиство на ИВЗ и прогласена е за културно наследство на Македонија.^[1]

Местоположба

Храмот е сместен во центарот на Скопје, северно од Вардар, до кампусот на универзитетот „Св. Кирил и Методиј“.

Историја

Над влезот на џамијата има камена плоча на која стои дека џамијата е изградена на 4 мухарем 874 година по хиџрата (14 јули 1469 година по Христа). Нејзин ктитор бил Кебир Мехмед Челеби, син на Исхак-бег и внук на завојувачот на Скопје, Јигит-паша.^[2]

Џамијата настрадала во Скопскиот земјотрес од 1963 г. Во 2016 г. е обновена со финансиска поддршка од Турција. Реставрирана е според нејзиниот изворен изглед, освен шадрванот, за чиј изглед нема податоци, па затоа е обновен во облик типичен за епохата.^[3]

Поврзано

• Културно наследство на Македонија во Општина Центар

Наводи

1. Список на заштитени добра. Состојба до 31.12.2012. Скопје: Управа за заштита на културното наследство.
2. Elezović, Gliša (1940). Zbornik za istočnjačku istorisku i književnu gradju. Beograd: Srpska akademija nauka. Odeljenje društvenih nauka. Naučna knjiga. стр. 77.
3. „Kebir Mehmet Çelebi Camii restore edildi“. Dünya Bülteni. 16 јули 2016. Архивирано од изворникот на 2022-02-23. Посетено на 29 јануари 2018.

Надворешни врски

• Џамија Кебир Мехмед Челеби на Ризницата ^?
• Кебир Мехмед Челеби џамија — Центар за етнолошки истражувања и применета антропологија (ЦЕИПА)