Нејтан „Нејт“ Дрејк (англиски: Nathan "Nate" Drake), роден Нејтан Морган (англ. Nathan Morgan) — лик од серијата Uncharted, развиена од Naughty Dog. Тој е главниот јунак во игритеUncharted: Drake's Fortune, Uncharted 2: Among Thieves, Uncharted 3: Drake's Deception, Uncharted 4: A Thief's End, Uncharted: Golden Abyss, а се појавува и во анимираниот стрип претходник Uncharted: Eye of Indra. Гласот на ликот е американскиот глумец Нолан Норт.
Нејтан Дрејк е прогласен за маскота на PlayStation 3. Неговиот дизајн и личност предизвикале споредби со други ликови од видеоигри и филмови како Лара Крофт и Индијана Џонс.
Naughty Dog црпела вдахновение за изгледот на Дрејк од култните јунаци што се наоѓаат во списанијата, романите и филмовите.[5] Во обид да се подобри врската, ликот бил облечен во фармерки и маица Henley, отелотворувајќи обична личност. И покрај неговата силна волја, Дрејк се одликува со смисла за хумор, честопати испорачува шеги и потсмевки во текот на неговите патешествија. Дизајнерската екипа дала приоритет на стварноста во неговото заемодејство со околината; без разлика дали се сопнува при трчање, одвај надминувајќи ги пречките при скокање, или признавајќи ја бесмисленоста на неговите неволји, реакциите на Дрејк биле точно изработени за да ја надополнат вистинитоста во играчкото доживување.[6][7]
