Лептокварк

Лептокварк — хипотетичка честичка која ги пренесува информациите помеѓу кварковите и лептоните за дадено семејство, и која го овозможува заемодејството на лептоните и кварковите. Станува збор за обоена тројка од бозони кои поседуваат лептонски и барионски броеви. Се среќаваат во различни надополнувања на стандардниот модел, како што се теоријата за техниколор или ТГО засновани на Пати–Саламов модел, SU(5) или E₆, итн. Нивните квантни броеви како што се спин, (дропка) електричен полнеж и слаб изоспин се различни во теориите.

Преглед

Лептокварковите, предвидени да бидат скоро тешки како и самите атоми на оловото, и можат да се создадат само при високи енергии, и брзо би се распаднале. Третото поколение на лептокваркови, на пример, можно е да се распадне на долен кварк и тау-лептон. Некои теоретичари предложуваат податоците снимени во експериментите изведени во забрзувачот на честички ХЕРА при ДЕСИ можно е да наведуваат на постоењето на лептокварковите, и со тоа да постанат нова сила која ги сврзува позитроните и кварковите. Исто така предвид се земени и преоните при високи енергии.^[1] More detailed analyses could, however, not confirm these hypotheses.

Лептокварковите може да ја објаснат причината за постоењето поколенија на материјата. Дополнително, лептокварковите може да објаснат зашто постои истиот број на кваркови и лептони и многу од другите сличности меѓу кварковите и лептоните. При високи енергии, кога лептоните (не ја чувствуваат силното заемодејство) и кварковите (кои не може да се набљудуваат поединечно поради силното заемодејство) постануваат едно, со што би станале поосновна честичка и би опишувале повисока симетрија. Ќе постојат три вида на лептокваркови создадени од лептони и кваркови од секое поколение.

Проектот ЛХеК за додавање на електронски прстен за судирање на снопови со веќе постоечкиот протонски прстен на ГХС би претставувал проект за потрага на повисоко поколение на лептокваркови.^[2]

Постоење

Во 1997 година, вишок при забрзувачот на честички ХЕРА направи збрка во заедницата за честична физика, бидејќи едно можно објаснување на вишокот би било постоењето на лептокваркови. Сепак, подоцнежните испитувања направени во Хера и Теватрон со поголеми примероци на податоци ја исклучиле можноста за масите на лептокварковите да бидат околу 275–325 GeV.^[3] Била направена и потрага по второто поколение на лептокваркови и истото не било забележано.^[4] Поновите изучувања, изведени при LHC, ја подигнале границата на исклучување на околу 1 TeV.^[5] За да се докаже постоењето на лептокварковите, енергијата која недостасува при судирите на неутрината би требало да биде исклучиво енергетски. Најверојатно создавањето на лептокварковите ќе го копира создавањето на масивните кваркови.^[6]

Поврзано

• Кварк–Лептонска совпадливост
• X и Y бозони

Наводи

1. Scientific American
2. Birmingham LHeC project page
3. H1 Collaboration; Andreev, V.; Anthonis, T.; Aplin, S.; Asmone, A.; Astvatsatourov, A.; Babaev, A.; Backovic, S.; Bähr, J.; Baghdasaryan, A.; Baranov, P.; Barrelet, E.; Bartel, W.; Baudrand, S.; Baumgartner, S.; Becker, J.; Beckingham, M.; Behnke, O.; Behrendt, O.; Belousov, A.; Berger, Ch.; Berger, N.; Bizot, J.C.; Boenig, M.-O.; Boudry, V.; Bracinik, J.; Brandt, G.; Brisson, V.; Brown, D.P.; и др. (2005). „Search for Leptoquark Bosons in ep Collisions at HERA“. Physics Letters B. 629: 9–19. arXiv:hep-ex/0506044. Bibcode:2005PhLB..629....9H. doi:10.1016/j.physletb.2005.09.048.
4. The Search for Leptoquarks.
5. Particle Data Group Leptoquarks Review 2016.
6. „Search for Third Generation Leptoquarks“. Архивирано од изворникот на 2020-08-08. Посетено на 2018-12-11.