Ана де Божу (француски: Anne de Beaujeu; 3 април 1461 — 14 ноември 1522) — француска принцеза, ќерка на Луј XI. Таа била регент на својот помал брат, неполнолетниот Шарл VIII. По смртта на Луј XI во 1483 година, престолонаследникот имал 13 години, кое според тогашните француски закони, не му било дозволено да управува самостојно со земјата. Ана како регент на земјата била во периодот од 1483 до 1491 година.
Како регент на Франција, Ана била една од најмоќните жени кон крајот на XV век во Европа, и затоа често била нарекувана Мадам ла Гран.[1]