Panggambarannyo duo laki-laki etnis Ternate mamakai baju tradisional Ternate, dalam sabuah gambaran tahun 1670 bajudul Costumes des quatre parties du monde ('Busana dari ampek belahan dunia')
Genealogi
Sacaro genealoginyo, masyarakaik etnis Ternate masih bangso serumpun jo masyarakaik etnis Tidore, Makian, maupun Bacan; hal ko dikaraokan pado zaman Pleistosen wilayah antar kepulauan ko masih bantuak ciek kesatuan pulau sabalun akhirnyo masiang-masiang kalompok etnis malakuan migrasi ka daerah masiang-masiang dan proses baabaik-abaik tu mambuahan evolusi nan mambantuk sabuah gejala antropologi bantuak dibuekannyo identitas etnisitas nan balain satu samo lain.[2]
Peradaban
Kesultanan Ternate marupokan lanjutan dari Karajaan Gapi; namun alah mandapekan pengaruh keislaman, sahinggo sistem monarkinyo barubah nan pamulaan bantuak karajaan kamudian mangadopsi sistem kesultanan.[2]
Subetnik
Pado maso pra-Islam, etnis Ternate tabagi manjadi 4 golongan utamo, yakni:
Tubo, nan bamukim di kawasan puncak ataupun lereang di wilayah utara pulau Ternate.
Tobona, nan bamukim di kawasan lereng di wilayah selatan pulau Ternate (terutama di Foramadiyahi), kalompok ko kamudian juo bermigrasi ke pulau Sulawesi dan membentuk identitas etnis berlainan nan kerap dikenali sebagai etnis Tobana nan mayoritasnya bamukim di wilayah Kabupaten Luwu di Sulawesi Selatan.
Tabanga, nan bamukim di kawasan pesisir di utara pulau Ternate.
Toboleu, nan bamukim di kawasan pesisir timur pulau Ternate, kelompok ini juga kemudian menyatakan diri sebagai kelompok etnis tersendiri nan pado masa kini lebih dikenali sebagai etnis Tobelo.[2]
Bahaso jo kesusastraan
Bahaso nan ditutuakan dek etnis Ternate adolah bahaso Ternate, nan marupokan sabuah bahaso dalam rumpun bahaso Halmahera Utara.[3]
Mato pancaharian
Mata pancaharian urang Ternate batani jo nelayan. Dalam bidang patanian awak mananam padi, sayua mayur, kacang-kacangan, ubi kayu, dan ubi jalar. Tanaman kareh nan di usahoan dek urang tu adolah cengkih, kalalapa, jo pala.[4]
Cengkih marupokan tanaman rempah-rempah nan alah punyo sajarah lamo di Ternate. Cengkih marupokan daya tarik nan maundang kadatangan bangso eropa ka daerah ko. urang-urang Ternate juo takenal sabagai pelaut-pelaut nan ulung. Salain itu,ternate punyo babarapo parusahaan tambang nan manjadi sumber mata pancaharian dari masyarakaik sakitar ternate (maluku utara).[4]
Pola pemukiman
Pamukiman panduduak umumnyo mambentang di sepanjang garisan pantai. Rumah-rumahnyo dibangun di sepanjang jalan-jalan dan sajar samo garis pantai di daerah perkotaan.
Struktur bangunannyo baragam ragam sasuai jo gaya para pandatang dari lua Halmahera di padesaan. Di padesaan, rumah-rumah panduduak dibuek dari rumeh ilalang.[4]
Agamo
Sabalun agamo Islam masuak ka P. Ternate, urang ko tabagi dalam kalompok-kalompok masyarakaik. Masiang-masiang kalompok karabat urang Ternate dipimpin dek mamole. Siring jo masuak Islam. mamole ko bergabung manjadi ciek konfederasi nan dipimpin dek kolano. Tuiknyo, imbah Islam manjadi labiah mantap, struktur kapamimpinannyo kolano barubah manjadi kesultanan.[5]
Dalam struktur kolano, ikatan genealogis dan teritorial berperan sabagai faktor pamasatuan, sadangkan dalam kesultanan agamo Islamlah nan manjadi faktor pamasatuan. Dalam struktur kesultanan, salain lembaga tradisional nan alah ado, dibentuk lo lembaga keagamoan. Kesultanan Ternate masih ado sampai kini walaupun hanyo dalam arti simbolik. Tapi akhir-akhir ko kesultanan Ternate bantuak jago baliak.[5]
Umumnyo urang Ternate baagamo Islam. Di masa lalu kesultanan marupokan salah ciek pusat panyebaran agamo Islam di wilayah Indonesia bagian Timur. Kini ko masyarakaik Ternate paralu bantuan pananam modal untuak manggali dan mangelola hasil-hasil kekayaan alam daerah ko nan banyak. Bidang hutan, lauik jo pertanian marupokan tigo bidang utamo untuak urang Ternate. Salawas ko, dari tigo kakuatan utamo tu, hanyo sektor hutan nan alah digarap gadang-gadang.[5]
Daerah Ternate punyo juo kekayaan wisata alam dan wisata budaya mode bangunan bekas benteng Portugis, istana Kesultanan Ternate, dan lain-lain. Hal ko manjadi sektor pariwisata sangaik potensial untuak dikaluang, antah malalui pembangunan sarana transportasi maupun akomodasi nan mamadai. Sampai kini, manuruik sensus 2010 bahwa 97% urang Ternate adolah urang Islam Sunni dan saketek nan maanut agamo Kristen Protestan.[2][5]
.jpg)
