Tuanku Muhammad dari Negeri Sembilan

Muhammad
Muhammad Shah, c. 1870s
Yang di-Pertuan Besar Negeri Sembilan
Bakuaso	29 April 1888 - 1 August 1933
Partabalan	7 May 1888
Pandaulu	Tuanku Antah
Panaruih	Tuanku Abdul Rahman
Lahia	25 April 1865 Seri Menanti, Negeri Sembilan, Malaya
Maningga	1 Agustus 1933 (umua 68) Seri Menanti, Negeri Sembilan, Persekutuan Tanah-tanah Melayu
Pamakaman	3 Agustus 1933 Makam Diraja Seri Menanti, Negeri Sembilan, Malaysia
Namo langkok Tunku Muhammad ibni Tunku Antah (at birth)
Ayah	Tuanku Antah ibni Almarhum Tuanku Radin
Mandeh	Cik Halima binti Uggoh
Anak	Tunku Abdul Aziz Tunku Abdul Rahman Tunku Laksamana Nasir Alam Shah Tunku Muhammad Alam Shah
Agamo	Islam

Tuanku Sir Muhammad Shah ibni Almarhum Tuanku Antah GCMG KCVO (25 April 1865 - 1 Agustus 1933) adolah Yang di-Pertuan Besar Seri Menanti ka-7 nan mamarentah dari 1888 hingga 1933. Salamo pamarentahannyo, Negeri Sembilan barado di bawah administrasi Inggris pado taun 1889 dan mambantuk Persekutuan Tanah-tanah Melayu pado taun 1895.

Pado bulan Juni 1887, Muhammad diumumkan sabagai saurang Yamtuan dek pamarentah kolonial Inggris. Sir Tuanku Muhammad Shah managakan ulang konstitusi tradisional sarato Undang yang Empat. Pado tanggal 29 April 1898, inyo sacaro patuik dipilih dek Undang yang Empat itu sabagai Yang di-Pertuan Besar; kajadian itu balaku di bawah Negeri Sembilan nan baru didirian. Inyo ditabalkan pado 7 Mei 1898 ^[1] di Seri Menanti. Sasudah mamarentah salamo 45 taun, pado taun 1933, inyo maningga pado umua 68 taun. Muhammad Shah dimakamkan di Kubur Diraja Seri Menanti.

Tuanku Muhammad dianggap sabagai bapak modernisasi Negeri Sembilan. Sasudah kamatian inyo, sabuah sikolah bahaso Inggirih di Kuala Pilah, Sekolah Menengah Kebangsaan Tuanku Muhammad dinamoan ulang dari namonyo. Sekolah iko adolah nan kaduo paliang tua di Negeri Sembilan, basamo kembarnyo di Johor, Maktab Sultan Abu Bakar jo Sekolah Tinggi Batu Pahat nan badiri pado taun 1914.

Tuanku Muhammad adolah Yamtuan Besar patamo nan manarimo gelar 'Sir' dari Ratu Victoria. Inyo juo marupokan raja Negeri Sembilan nan paliang lamo manjabat dalam sajarah negeri itu. Inyo marupokan salah saurang partisipan dalam Durbar (Konferensi Rajo-rajo) di antaro Persekutuan Tanah-tanah Melayu, basamo Sultan Idris dari Perak, Sultan Abdul Samad dari Selangor jo Sultan Ahmad dari Pahang. Inyo mandirian kolej residensial patamo, The Malay College di Kuala Kangsar. Anak jo cucunyo, Abdul Rahman dari Negeri Sembilan jo Tuanku Ja'afar wakatu mudo baraja ka perguruan iko, nan kaduo-duonyo akhirnya manjadi Yang di-Pertuan Agong patamo jo nan ka sapuluah di Malaysia.

Tuanku Muhammad mambina pambangunan Istano Seri Menanti (kini Museum Diraja Seri Menanti), jo Istano Besar Seri Menanti (kadiaman baru rajo Negeri Sembilan).

Kamatian

Tuanku Muhammad maningga pado 1 Agustus 1933, kiro-kiro jam 3 diniari di Istano Seri Menanti.^[2] Indak lamo sasudah kamatiannyo, sanaknyo Tunku Besar Burhanuddin mangumpuakan Penghulu dari Luak Tanah Mengandung (wilayah sakitaran Seri Menanti), tamasuak Datuk dari Ulu Muar, Jempol, Terachi jo Gunung Pasir. Sasudah itu, dibunyian mariam sabanyak 22 tembakan.^[2]

Ampek Lembaga utamo Ulu Muar itu mangirim kaba tantang kamatian Tuanku ka Undang yang Empat.^[2]

Jasadnyo disamayamkan sahari sasudah kamatiannyo. Hari katigo sasudah kamatiannyo, inyo dianta ka Makam Diraja Seri Menanti. Peti jasadnyo dibaok dari Istana pakai kereta khusus nan ditarik dek Pegawai Sembilan-puluh sembilan, diiriang dek Orang Empat Astana jo Ulama. Nan bakabuang mangiriang dari balakang, dalam urutan: Yang di-Pertuan Besar nan baru Tuanku Abdul Rahman; anggota-anggota tinggi dari kaluarga karajaan; anak putra putri jo pamimpin jo wakil-wakil dari panguwaso lain jo pejabat pamarentah tinggi; pemuka lain; jo para pajabat raja. salamo mairiang itu, mariam dibunyian sabanyak 68 tembakan, manuruik umua Tuanku Muhammad.^[2]

Tuanku Muhammad ditaruihan dek anak suluangnyo sakaligus Tunku Muda Serting, Tunku Abdul Rahman sabagai Yang di-Pertuan Besar ka-8 nan lah dipiliah dek Undang yang Empat.^[2]

Kahormatan

•  Britania Raya :
  • Honorary Companion of the Order of St Michael and St George (CMG) (1 January 1894)
  • Honorary Knight Commander of the Order of St Michael and St George (KCMG) - Sir (3 June 1916)^[3]
  • Knight Commander of the Royal Victorian Order (KCVO) - Sir (10 July 1925)
  • Honorary Knight Grand Cross of the Order of St Michael and St George (GCMG) - Sir (1 January 1931)^[4]

Galeri

• 
  Tuanku Muhammad Shah. Galeri Diraja Tuanku Ja'afar, Seremban
• 
  Government House, Singapura 27 Maret 1890: Yamtuan Muhammad dari Negeri Sembilan duduak sabalah kanan ujuang
• 
  Tuanku Muhammad Shah, 1897, duduak di tangah
• 
  Durbar (Konferensi Rajo-rajo) Malaya patamo, 14 Juli 1897 di Kuala Kangsar; Yamtuan Muhammad Shah duduak kaduo dari kanan
• 
  Tuanku Muhammad Shah jo rajo-rajo Melayu lainnyo, 1903.

Rujuakan

1. Birch, Ernest Woodford (1906). "Election and Installation of Tungku Muhammad, C.M.G. Bin Tungku Antah, as the Yang Di Per Tuan Bĕsár, Negri Sembilan". Journal of the Straits Branch of the Royal Asiatic Society. 46: 9 - 22. 
2. BRYSON, H. P.; BLELLOCH, I. W. (1936). "Record of the ceremonial followed at the death and funeral of Yang Di-pertuan Besar, Tuanku Muhammad, G.C.M.G., K.C.V.O., ibni al-Marhum Yam Tuan Antah, and at the proclamation of his son Tunku Abdu'l-Rahman as his successor. August the 1st and 3rd, 1933". Journal of the Malayan Branch of the Royal Asiatic Society. 14 (3 (126)): 272–279. ISSN 2304-7550. JSTOR 41559864. 
3. "Page 5557 | Supplement 29608, 2 June 1916 | London Gazette | The Gazette". www.thegazette.co.uk. Diakses tanggal 2024-01-21. 
4. "Page 5 | Supplement 33675, 30 December 1930 | London Gazette | The Gazette". www.thegazette.co.uk. Diakses tanggal 2024-01-21.