PROFILBARU.COM

18°54′49″S 47°32′10″E / 18.913680°S 47.536130°E / -18.913680; 47.536130

Antananarivo

Velarantany

NC

Isam-ponina

1 054 649 mponina

Tanànan-dehibe

NC

Ben'ny tanàna

Naina Andriantsitohaina^[1]

Antananarivo dia renivohitra ara-pôlitika sy ara-toekarenan' i Madagasikara. Ny dikan' ny anarana hoe Antananarivo dia "Tanànan' ny Arivolahy". Antananarivo dia ao amin' ny faritanin' Antananarivo, izay midadasika amin' ny velarantany 58 283 km2, sady tena eo anivon' ny Nosy Ny tanànan' Antananarivo renivohitra kosa dia eo amin' ny 1254 m ny hahavony mihoatra amin' ny ranomasina (Araben'ny Fahaleovantena); 1282 m (Lapan'Andafiavaratra), 1468 m (Rovan' i Manjakamiadana).

Jeografia

Azo lazaina ho ranoray ny firafitry ny vohon-taniny raha miohatra amin' ireo faritany sasany toa an' i Fianarantsoa na Toamasina. Any avaratra, misy an' i Tamponketsa dia tany karankaina; zara raha mahavokatra kely horaofin' ny biby fiompy ny any Bongolava any andrefana. Ny any atsimo no manankarena, izay ahitana ny onin' i Mania. Any atsinanana kosa dia voafaritr' ireo harambato mitatao ny lemak' i Moramanga sy Anjiro amin' ny lafiny iray ary ny debok' Alaotra amin' ny ankilany. Ny salan' ny haavon' ny tendrombohitra dia 1 300 m, fa ny avo indrindra dia Tsiafajavona, 2 700 m, ao amin' ny vondron-tendrombohitr'Ankaratra. Maro ireo ony miandoha avy any Itasy sy Vakinankaratra no miantoka ny famatsian-drano ireo faritra manodidina. Ny fiandohan' ny onin' i Mahajamba dia avy ao Anjozorobe; i Betsiboka avy ao Ambohidratrimo; Ikopa sy i Sisaony avy any Ankaratra; Isandrano avy any Miarinarivo; i Manambolo avy any Tsiroanomandidy; iSakay sy i Lily avy any Itasy, i Kitsamby avy any Arivonimamo ary i Onive avy any Antsirabe.

Tantara

Faha mpanjaka

Ny tanàna sy ny lapa ary ny rova

Teo Ambohimitsimbina no nisy ny rova tany amboalohany (fiantombohan’ ny taonjato faha-17) vao nafindra teo avaratr’ Ambohimitsimbina amin’ ny toerana misy ny rovan’ Antananarivo ankehitrio. Tao anatin' ny rova dia maro ireo lapa niorina ka saika niorina atsimo nianavaratra izy ireny, ka ny lapa tranainy indrindra no any atsimo indrindra ary ny lapa tanora indrindra no avaratra indrindra ka toy izao izany: eroa atsimo indrindra i Besakana izay naorin' Andrianjaka; teo avarabaratr' i Besakana kosa no naorin' Andrianampoinimerina i Mahitsielafanjaka sy Felatanambola (ity Felatanambola ity dia efa rava ka teo no nanorenana an' i Manjakamiadana); teo avaratr' i Mahitsielafanjaka kosa no naorin-dRadama I ny Tranovola ho tranon-dRasalimo; teo amin' ny Felatanambola fahiny no naorin-dRanavalona I i Volamahitsy izay lasa Manjakamiadana rehefa nofonosina vato; ary farany ny Tranovola izay tranon-dRasalimo sy avaratra indrindra dia nataon-dRanavalona I ho tranon-dRakoto zanany (Radama II) fa i Manampisoa kosa dia teto atsimon' i Manjakamiadana no naorin-dRasoherina (io Manampisoa io no tsy tahaka izany). Tamin-dRadama I dia nisy rova miisa roa teo Antananarivo ka ny "rova atsimo" dia ireo misy ny lapa tranainy toa an' i Besakana sy ny manodidina azy. Ny "rova avaratra" kosa izay nataon-dRadama hisy ny lapany dia eo avaratry ny rova atsimo. Ny lapa tamin' ny Rova atsimo no natao fametrahana ny fatin' ny mpanjaka niamboho nanomboka tamin-dRadama I.

Teo Antananarivo ihany, Andriatsimitoviaminandriandehibe nanjaka teo tamin' ny taonjato faha-18 dia nanana zanaka roalahy dia Lambotsitakatra sy Andriamasinavalona, koa nozarain' Andriatsimitoviaminandriandehibe roa ny fanjakany ka Antananarivo, Ambohimanga sy Ambohidrabiby ary ny avaratra rehetra amin' ny fanjakany dia nomeny an' i Lambotsitakatra zanany lahimatoa ary Alasora, Ambohimanjaka sy Antanamalaza, sy Fandana sy Ambohimanambola dia nomeny an' Andriamasinavalona izay zandry olona.

Teo Antananarivo hatrany, Andrianampoinimerina dia nanorina tanàna voahodidina hadivory hoan' ny andriana, ka teo ambany avaratry ny rovan' Antananarivo, teo Andohalo, no nanorenany izany ka ny Andriamasinavalona, ny Andriandoriamanjaka, ny Andriantompokoindrindra, Ny Andriandranando, ny Andrianamboninolona, ary ny terak’i Raberanto avy ao Ambodifahitra no nahazo nonina tao anatin' io faritr' Andohalo voahodidina hadivory io. Ny havan’ andriana, ny hova ary ny mpanompo dia tsy nahazo zara tany sy tsy nahazo nonina tao anatin' io faritr' Andohalo voahodidina hadivory io.

Fizahan-tany

Antananarivo dia tsy dia manana toerana mahasarika ny mpizaha tany loatra mihoatra ireo faritany hafa. Ny tena misongadina dia ny valanjavabohary Tsimbazaza.

Jeôgrafia

Eo ampovoan' ny Nosin' i Madagasikara no misy an' Antananarivo, any atsimo-andrefanan' ny Ranomasimbe Indianina.

Toetany

Ny toetanin' Antananarivo dia araka ny fanasokajian' i Köppen ny toetany dia Cwb izany hoe manana toetany trôpikaly antonontonony nohon' ny haavon' ny tany. Amin' ny volana Oktobra hatramin' ny volana Martsa dia mafana ny andro ary mety mahatratra hatrany amin' ny 35°C any ho any ny mari-pana, amin' io enimbolana io dia mahery ny 50 mm isam-bolana ny latsak' orana. Amin' ny volana Aprily ka hatamin' ny volana Septambtra dia antonontonony ny hafanana. Amin' io enimbolana io dia latsaky ny 50 mm ny latsak' orana.

Fampahalalana mikasika ny toe-tanin'i Antananarivo
Volana	Jan	Feb	Mar	Apr	Mey	Jio	Jol	Aog	Sep	Okt	Nov	Des	Taona
Ambony indrindra °C (°F)	33 (91)	32 (90)	31 (88)	31 (88)	29 (84)	27 (81)	27 (81)	29 (84)	33 (91)	35 (95)	34 (93)	33 (91)	35 (95)
Elanelana avo °C (°F)	27.7	25.9	25.4	24.8	22.9	20.9	20.2	20.6	23.0	25.2	26.0	25.8	24,0
Antonotonony ambany °C (°F)	16.6	16.9	16.3	15.2	12.9	10.8	10.3	10.3	11.3	13.4	15.1	16.3	13,8
Ambany indrindra °C (°F)	12 (54)	11 (52)	11 (52)	7 (45)	4 (39)	1 (34)	3 (37)	2 (36)	3 (37)	6 (43)	6 (43)	11 (52)	1 (34)
Latsak'orana mm (inches)	270.4 (10.646)	256.9 (10.114)	183.1 (7.209)	50.5 (1.988)	20.1 (0.791)	7.2 (0.283)	11.1 (0.437)	15.0 (0.591)	9.5 (0.374)	66.6 (2.622)	170.8 (6.724)	304.1 (11.972)	1 365,3 (53,752)
Elanelan'ny andro latsaka orana	18	17	17	9	6	6	8	9	4	8	14	20	136
Ora isian'ny masoandro	210.8	179.2	198.4	219.0	229.4	207.0	213.9	235.6	249.0	251.1	234.0	201.5	2 628,9
Source no. 1: World Meteorological Organisation (UN) ^[2]
Source no. 2: BBC Weather ^[3]

Mponina

Merina no iantsoana ireo tompon-tany fa noho ny maha-renivohitra an' Antananarivo dia hita ao daholo ireo foko isan-karazany ao Madagasikara.

Toe-karena

Tanàna namana

Yerevan, Armenia
New York, Etazonia

Sary

Antananarivo, Madagascar
Photographie
Analakely
Antananarivo
La ville haute
Antananarivo, amin'ny alina
Jery an'Antananarivo
Trano maromaro
Tohatoha-baton'Ambondrona
Vue d'Antananarivo
Avenue de l'Indépendance
Avenue de l'Indépendance
Siège social d'Air Madagascar

Jereo koa

Renivohi-paritany eto Madagasikara

Antananarivo - Antsiranana - Fianarantsoa - Mahajanga - Toamasina - Toliara

Renivohi-paritra eto Madagasikara

Ambatondrazaka - Ambositra - Ambovombe - Antananarivo - Antsirabe - Antsiranana - Antsohihy - Farafangana - Fenoarivo Atsinanana - Fianarantsoa - Ihosy - Maevatanana - Mahajanga - Maintirano - Manakara - Mananjary - Miarinarivo - Morondava - Sambava - Toamasina - Tôlanaro - Toliara - Tsiroanomandidy

Tendrombohitra roa ambin' ny folo

Tendrombohitra roa ambin' ny folo masina ao Imerina
Alasora - Ambohidrabiby - Imerimanjaka - Ampandrana -Ilafy - Analamanga - Ambohimanga - Antsahadinta - Ambohitrontsy - Imerimandroso - Ikaloy - Namehana.

Tsiahy

↑ Naina Andriantsitohaina: Attentat contre le maire d’Antananarivo ↑ "World Weather Information Service - Antananarivo". Direction of Meteorology and Hydrology, Madagascar. June 2011. Archived from the original on 2010-04-18. Retrieved 2010-05-04. `{{cite web}}`: Unknown parameter `\|deadurl=` ignored (`\|url-status=` suggested) (help) ↑ "Average Conditions Antananarivo, Madagascar". BBC Weather. Archived from the original on 2005-05-26. Retrieved September 9, 2009. ↑ Antananarivo avec le Caire

[1] Naina Andriantsitohaina: Attentat contre le maire d’Antananarivo

[WMO-2] "World Weather Information Service - Antananarivo". Direction of Meteorology and Hydrology, Madagascar. June 2011. Archived from the original on 2010-04-18. Retrieved 2010-05-04. {{cite web}}: Unknown parameter |deadurl= ignored (|url-status= suggested) (help)

[weather1-3] "Average Conditions Antananarivo, Madagascar". BBC Weather. Archived from the original on 2005-05-26. Retrieved September 9, 2009.

[4] Antananarivo avec le Caire

[1]

[2]

[3]

[4]