Cumulonemb

Quest articol chì l'è scrivuu in lombard, grafia milanesa.

On cumulonemb (breviazion: Cb) o nivolon l'è ona nigola a desvilupp vertical. La se desviluppa in condizion de instabilità atmosferega.
L'è la nigola pussee granda. El sò nomm el vegn di paroll latinn cumulus e nimbus e 'l voeur d' "mucc de nigoi". I cumulonemb poeuden portà pioeuva e tempesta.

Ghe n'è de du tipi:^[1]

• Cumulonimbus calvus (Cu cal);
• Cumulonimbus incus (Cu incus).

Questa sezzion chì l'è ancamò voeuda. Juta a scrivela

La forma de l'incudin la dà informazion su l'età e sul'organizzazion del temporal che l'hà fada su.^[2]

• se l'incudin a l'è sfranzada e i cirri fals a l'è perchè la corrent ascendenta l'è debol oppur el temporal a l'è adrée a starlattàss;
• se l'incudin l'è nò uniforma el voeur dì che la crescita del cumulonemb a l'è intermittenta e irregolar;
• se l'incudin a l'è slongada a l'è perchè a gh'è di vent fòrt ai livèj de sora (tipich di temporaj che gh'ànn on ass de travèrs che i sò precipitazion ghe dànn nò fastidi a la corrent ascedenta;
• se l'incudin a l'è sviluppada anca sora-vent ind ona direzion contraria a quèlla di vent in quòta (corrent ascendenta) fòrta bona de andagh contra di vent in quòta.
• se ona noeuva incudin la se foeurma sora ona vèggia incudin a l'è perchè a gh'è on temporal che l'è drèe a diventà anmò pussée fòrt.

In su l'incudin pòden vessegh l'mammatus e i knuckles: i mammatus pòden trovass sia in temporal fòrt sia in quèj débol, inveci i knuckles se troeuven domà quand che gh'hinn di corrent ascedent fòrt bon de ingeneràa anca tempèsta.^[3]

Per savenn pussee, varda l'articol Mammatus.

Per savenn pussee, varda l'articol Knuckles.

Ona cupola in su la sommitàa la se forma quand che gh'è ona corrent ascendenta molto fòrta.

• Se la cupola a l’è persistent (pussée de 10 minùt), l’insegna di super-cèllul attiv con el ris’c de tempèsta e borineri;
• se a l’è temporani el temporal a l’è pulsant con fasi de brutt temp e tempèsta ma senza tromb d’aria;
• se la cupola la se presenta a cicli, alora l’insegna on temporal a super-cèllula che ‘l se ripètt e l’è bon de ingenerà di tromb d’aria multipli. ^[4]

Per savenn pussee, varda l'articol Cupola del cumulonemb.

Alter tipi de nivol a capùcc hinn i pileus: Anca chesschì hinn el segnàl de corrent ascedent molto fòrt.^[5]

Per savenn pussee, varda l'articol Pileus.

• Se gh'è di sfilozzadùr (cumulus fractus), alora el gradient vertical a l'è scars e la corrent ascedenta a l'è débol, ma se borlen giò comunque di gott di nivol piscinìtt (compagn di cumulus fractuso di altocumul) el voeur dì che gh'è acqua molto frèccia in quòta cont el ris'c de fòrt temporaj.
• Se gh'è su tanti crescénz ma pìccoj alora al'è compagn del caso di knuckles e l'è el segnàl d'ona corrent ascendenta molto fòrta.^[6]

• on color verdìnn o gialaster l'insegna la presenza de tempèsta, ma se l'è molto giald perchè la filtra la lus alora el voeur di che 'l ciel l'è adrée a s'ciarìss.^[7]

• Di acqueri fòrt senza fulmen hinn tipich de on temporal in formazion o in esauriment;
• di acqueri fòrt con fulmen insegnen on temporal in fase madura;
• di fass de precipitazion bianch insegnen la presenza de nev o tempèsta.^[8]

1. ↑ Gabriele Formentini (2009). Temporali e e Tornado (in italian). Alpha Test, 23-25. ISBN 978-88-483-0992-9. 
2. ↑ Gabriele Formentini (2009). Temporali e e Tornado (in italian). Alpha Test, 50-52. ISBN 978-88-483-0992-9. 
3. ↑ Gabriele Formentini (2009). Temporali e e Tornado (in italian). Alpha Test, 52-54. ISBN 978-88-483-0992-9. 
4. ↑ Gabriele Formentini (2009). Temporali e e Tornado (in italian). Alpha Test, 55-58. ISBN 978-88-483-0992-9. 
5. ↑ Gabriele Formentini (2009). Temporali e e Tornado (in italian). Alpha Test, 59-60. ISBN 978-88-483-0992-9. 
6. ↑ Gabriele Formentini (2009). Temporali e e Tornado (in italian). Alpha Test, 61-63. ISBN 978-88-483-0992-9. 
7. ↑ Gabriele Formentini (2009). Temporali e e Tornado (in italian). Alpha Test, 61-64. ISBN 978-88-483-0992-9. 
8. ↑ Gabriele Formentini (2009). Temporali e e Tornado (in italian). Alpha Test, 65-68. ISBN 978-88-483-0992-9.