Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Blik op Jeruzalem vanaof de Olijfberg
Jeruzalem (modern Hebreeuws: Jeroesjalaajm, ירושלים, Arabisch: القُدس, al-Quds - sprik oet: Al-Kods) is de betwisde hoofstad van Israël en is ouch 'n religieus centrum van de Islam, 't Joededom en 't Christendom. 't Is de groetste stad vaan Israël mèt 'n bevolking vaan 933.113 (2009). Ze lik tösse de Middellandse Zie in 't weste en de Doej Zie in 't oeste.
Israël es-ouch Palestina claime Jeruzalem es hun hoofstad. De meiste len binne de VN erkènne geine vaan die twie claims. De meiste len höbbe daorum hun ambassades veur Israël in of kortbij Tel-Aviv ligke, wijl de VS recentelek hun ambassade heet verhuis nao Jeruzalem oonder Prizzedent Donald Trump. Israël zelf heet zien hoofzakeleke institute allemaol al nao Jeruzalem verplaots nao de Arabisch-Israëlische Oorlog in 1948 en de Zèsdaagse Oorlog in 1967. In 1980 stèlde 't Israëlisch Hof tot gans Jeruzalem de "oonverdeilde hoofstad" vaan Israël is, wijl de meiste len (inclusief Nederland, Belsj en Duitsland) de jure stèlle tot Wes-Jeruzalem Israëlisch groondgebeed is en Oos-Jeruzalem Palestijns groondgebeed is wat bezat weurt door Jeruzalem.
In de aw stad ligke de Klaogmoer, de Graafkèrk en de Rotskoepel. Oas-Jeruzalem is oonderverdeild in 'n joedse, christelike, islamitische en Armeense wiek. Dit deil vaan Jerusalem weurt door de Palestijne opge-eis es de houfstad van 'n touwkomstege staot Palestina.
