Algemein: 't Waer in Nederlandj is in 1947 biezunjer extreem. 't Jaor begint mèt ein van de sjtrengste wèntjers van de 20e eëuw, hoewaal d'r midde in jannewarie eine tiejelike doaj-aanval is, mèt ein wermderecord van 17 graad baove nul in Limburg. D'r wirt in deze wèntjer ouch eine Èlfsjtejetoch gehawwe. De zomer begint al vreug mèt heël werm daag in mei en hilt aan pès wied in september; de zomer van 1947 is de wermste zomer van de eëuw.
10 fibberwarie - Biej de Vreje van Paries wirt ein aantal grenswieziginge in Europa door de Tweëde Waereldaorlog óngedaon gemaak of sjus bevestig. Zoa kriet Roemenië Zevenburge truk van Hongarije, mèr raak 't Moldavië defenitief kwiet aan de Sovjet-Unie. Italië kriet Zuid-Tirol van Oasteriek mèr mót Istrië aafsjtaon aan Joegoslavië. Oet dat sjiereilandj kump eine groate vluchtelingesjtroam op gank.
18 april - De Britte brènge op 't Duutsje rotsjeilandj Helgolandj groate hoevölheje oet de aorlog euvergebleve sjprèngsjtof tot óntploffing. Operation Big Bang leijt aevel neet tot de beoagde vernetiging van 't sjtrategisch gelaege eilandj zelf.
28 april - De Noorse antropoloog Thor Heyerdahl vertrek same mèt Knut Haugland, Herman Watzinger, Bengt Dannielson, Erik Hesselberg en Torstein Raaby vanoet Peru op ein naogemaak Inca-vlot nao Tahiti. In plaatsj daovan zal hae nao 101 daage sjtranje op Tuamotu.
't Euverlègk euver ein ónaafhankelik en vereinigd India mislök. Moslims en hindoes greuje ummer wiejer oet ein. Ein teleurgesjtèlde Mahatma Gandhi trek zich truk oet 't aopebaar laeve.
5 juni - In ein toesjpraak op de Harvard universiteit aopebaart de Amerikaanse minister van boetelandjse zake Marshall zien plan óm Europa d'r mèt Amerikaanse financiële hulp weer baoveop te helpe.
27 juni - De wermste daag tot dan toe wirt gemaete in De Bilt. 't Wirt 36,8 graad, dit record is dao pas in 2019 doorbraoke. In Mesjtreech wirt 't 38,4 graad.
6 juli - Gekleijd in Arsenal-shirts wirt Ajax in de wedsjtried taenge NEC voetbalkampioen van Nederlandj.
8 juli - 't Roswellincident vundj plaatsj: in Roswell (New Mexico) waere broksjtökke gevónje van ein ónbekènd object. D'r wirt gesjpeculeerd dat 't óm ein vlegende sjotel geit (die taengewoordig in Area 51 geborge zouwe ligke), mèr volges de Amerikaanse euverheid geit 't óm eine waerballon.
18 juli - 't Sjeep Exodus mèt Joadse euverlaevende van de Holocaust aan baordj wirt door de Britse marine veur Haifa óngersjöp. De opvarende wirt de toegank tot Palestina óntzag en nao interneringskampe in Duutsjlandj gesjtuurd.
15 augustus - 't Verenigd Keuninkriek verleët, gehaos, India en leët ’t landj verdeild achter. 't Landj wirt opgesjplits in 't islamitischePakistan en 't euverwaegend hindoeïstische mèr seculier ingerichte India. De provincie Punjab wirt verdeild en brent. Tieën miljoen luuj verlaote hoes en haard óm nao 't landj mèt meëredeils geluifsgenote te trekken. Tenminste ein miljoen luuj kómme óm biej plunderinge en maordpartieje.
19 - Oprichting van de Nederlandse Aardaolie Maatsjappiej, woin Shell en Exxon jeder veur de hèlf deilnumme. De maatsjappiej geit 't aardaolieveldj biej Schoonebeek exploitere. Ouch geit ziej zeuke nao winbare hoeväölheje aerdgaas.
26 oktober - De Maharadja van Kasjmir óngerteikent de akte wobiej 't landj zich aansjlut biej India. Direk sjtuurt India troepe óm de islamitische opsjtand taenge de hindoevors te óngerdrökke.
oktober - Ein platform van Kerr-McGee wit ein aoliepöt in preduktie te brènge veur de kus van Louisiana in de Golf van Mexico mèt Rig 16 aan baord van de Frank Phillips. Dit wirt waal besjouwd es 't begin van de offshore-indusjtrie.
Literatuur: André Gide "veur zien väölumvattende en artistiek beteikenisvol sjriefsele, boe-in minseleke probleme en gestèldhede mèt 'n oonbevreesde woerheidsleefde en sjerp psychologisch inziech zien geprizzenteerd."
Vrei: de Quakers "[um hun] compassie veur aandere en de wuns veur ze te helpe."
David Bowie, gebaore op 8 jannewarie 1947.Johan Cruijff, gebaore 29 april 1947.Salman Rushdie, gebaore 19 juni 1947.Arnold Schwarzenegger, gebaore 30 juli 1947.
26 oktober - Hillary Clinton, Amerikaanse senator van de sjtaat New York, minister van boetelandjse zake ónger president Batack Obama, vrouw van president Bill Clinton
