3 jannewarie - Oprichting van 't ABDA-commando in de Sjtille Oceaan: de Amerikaanse, Britse, Nederlandjse en Australische sjtriedkrachte kómme ónger bevel van de Èngelsje generaal Wavell.
14 fibberwarie - In Rotterdam wirt de Maastunnel geäöpend. De euverwelving is 1426 maeter lank, de tunnel zelf maet 1070,15 maeter. D'r is bienao vief jaor aan gewirk.
14 fibberwarie - De aafdeiling Bomber Command van de RAF krit opdrach óm door groatsjeepse lóchbómbardemènte 't moreel van de Duutsje bevolking, en veural van de indusjtriearbeiders, te óngermiene.
15 fibberwarie - De Britse kroankolonie Singapore wirt vanoet zeë ingenómme door de Japanners. Väöl Èngelsje aorlogssjepe waere in de have tot zinke gebrach of brenne oet.
7 miert - De Nederlandse mienevaeger Eland Dubois wirt door de eige bemanning tot zinke gebrach naodat 't sjeep is gesjpot door ein Japans verkènningsvleegtuug.
8 miert - De Nederlandse mienevaeger Jan van Amstel wirt tot zinke gebrach door eine Japanse torpedoboatjager, wobiej 23 van de opvarende óm 't laeve kómme
21 juni - Tobroek vilt. De Duutsje Kolonel-Generaal Erwin Rommel, bevelhöbber van 't Afrika-korps, verovert de Noord-Afrikaanse havesjtad op 't Britse leger. D'r waere 25.000 gevangene gemaak, naeve óneuverzeenbare massa's waopes en veurraoje. Daags naodeen wirt Rommel bevorderd tot Generaal-Veldjmaarsjalk. In oktober 1943 sjtèlde aevel Generaal Bernard Montgomery, mèt zien 8ste leger, orde op zake biej El Alamein en woort Rommel trukgedrónge.
1 juli - Sebastopol, aan 't Russische oasfróntj, is gevalle. Kolonel-generaal Von Mannstein leijt de Duutsje en Roemeense troepe. Euverbliefsele van de Sovjet-legers vluchte op 't sjiereilandj Kersonesos.
1 juli - 't Vluchtelingekamp Westerbork kump ónger rechsjtreeks besjtuur van de Duutsjers, die 't Durchgangslager Westerbork neume.
15 juli - Vanoet 't doorgangskamp Westerbork in Drenthe vertrek 't eësjte transport richting Pole.
16 juli - In France Occupée wirt 't besjluut oetgevaardig, wobiej aan de jode de toegank wirt óntzag tot aopebaar inrichtinge en manifestaties. Aldus is ze de toegank verboaje tot resterante of cafés, concerte, music-hall's, amusemèntslokale, bibliotheke, aopebaar telefooninrichtinge, merte, bade, expo-galerieje of -zale, historische geboewe, sjportwedsjtrieje, kampeerterreine en parke.
20 juli - De Nederlandse bisjoppe richte zich in ein herderlik sjrieve tot hun geluivige. Ze veraordeile in fel bewoordinge de Juddevervolging.
2 augustus - Tweëhónderd katholieke jode, die tot noe toe boete de Juddevervolging bleve, waere es represaille veur de breef van de Nederlandse bisjoppe, aafgeveurd nao vernetigingskampe. Ónger hun is Edith Stein.
13 september - De Duutsje troepe beginne hunne aanval op Sjtalingrad. Ein jaor en groate aantalle doaje later zal blieke dat dit 't wiejste puntj is dat de Duutsjers bereike, en dat dit 't keërpuntj in de Tweëde Waereldaorlog is.
20 september - De Zjweedse hardlouper Gunder Hägg löp es eësjte de 5000 maeter bènne de 14 minute. Zien waereldrecord van 13.58,2 zal 12 jaor sjtand hawwe.
't Geallieerd taengeoffensief in Noord-Afrika begint.
5 oktoaber - Biej vergissing wirt Gelaen en de Sjtaatsmien Maurits gebómbardeerd door Èngelsje vleegtuge. D'r valle 84 doaje en ènnige hónderde hoezer en geboewe zint totaal verrinneweert. Óngergróndjs zint 1700 mienwirkers tiedelik opgesjlaote door 't oetvalle van de sjtroam en besjadiging van de sjachte.
27 november - Oet protest taenge de Duutsje bezètting van Zuid-Frankriek brènge de bemanninge van de euvergebleve Franse aorlogsboajems in de marinehave van Toulon hun sjepe tot zinke.
25 - De Nederlandse óngerzeëeboat K XVI wirt ten noorde van Kuching getorpedeerd door de Japanse óngerzeëboat I 66, alle 36 bemanningsleje kómme hiebiej óm 't laeve.
zónger datum
Paul Hermann Müller, chemicus van 't Zjwitserse bedrief Geigy, vundj 't insecticide DDT oet.
Op eine sjnikheite zomerdaag nump Bing Crosby de song "I'm dreaming of a white Christmas" van Irving Berlin op. De single zal tieëntalle jaore de lies van bestsellers blieve aanveure.
19 juni - Jos Brink, Nederlandse (heuërsjpel)acteur, cabaretier, musicalsjter en -producent, columnist, sjriever, predikant, radio- en tv-presentator (gesjtorve 2007)