Sarka (litteris Cyrillicis Сарка) est flumen in regione Leninopolitana Russiae, longitudine 37 chm, influens fluminis Kapšae. E Lacu Maiore (Bol'šoie) oritur. Initio in septentriones fluit, sed maxima cursus parte in occidentem tendit, donec in Kapšam ad oppidum Sarae Ostium (Ust'-Sara) exit. Plures amnes influentes excipit, quorum maximus est Liamža a sinistra.
Sarka sita est in planitie silvestri ad occidentem Collium Vepsicorum. Inter Kapšam eiusque minores influentes (a septentrionibus, ab occidente, et plerumque ab oriente) atque influentes Pašae (a meridie), in quam ipsa Kapša fluit, sinus hydrographicus Sarkae includitur. Sarka plerumque per silvam veterem populorum et picearum fluit, et in parte superiore per silvam intactam; locus tamen iure non protegitur.[1]
Notae
- ↑ Kobyakov, Konstantin, et Jevgeni Jakovlev (edd.) 2013. In Anglicam vertit Jevgeni Jakovlev. Helsinki: Finnish Environment Institute. Chartae 192, 216. [1]
Nexus externi
