Locus hic in litore a Petro I anno 1710 Alexandro Menschikov donatus est, qui palatium magnum sibi aedificavit. Oranienbaum tunc locus appellabatur, quod TheodisceAurantium arbor significat; in insigni urbis haec arbor picta est. Anno 1727, cum Menschikov in exsilium missus esset, familiae imperatoris terra reddita est et multa etiam palatia regalia in hortis hic saeculo XVIII aedificata sunt. Michael Lomonosov in Ust'-Ruditsa vico prope Oranienbaumium sito domum et fabricam annis post 1753 habuit, ubi vitrum ad opus tessellatum suum fabricabat. Anno 1948 nomen Lomonosov urbs cepit.
