Los Alamos (Novum Mexicum)
Los Alamos (nomen Hispanicum, scil. 'populetum') est oppidum 12 019 incolarum (censú anni 2010) Los Alamos comitatús Novi Mexici in Civitatibus Foederatis Americae. Per quattuor altas mensas planitiei Pajarito usque ad vallem Rupium Albarum (White Rock Canyon) patescit.
Laboratorium Los Alamos sedet quod centrum scientiae technologicae est et ubi Inceptum Manhattense proiectum fuit.
Historia
Historia recentior
Priusquam oppidum Los Alamos anno 1942 ut esset locus Propositi Manhatensis electum est, erat ibi quasi schola puerorum in artibus rusticis instituendorum. Haec schola, a viro divite Ashley Pond Secundo anno 1917 condita, pueros (ab anno duodecimo usque ad duodevicessimo) vitam e natura pendentem docuit, exempli gratia artes equitandi, boves curandi, et foris in silva sine subsidiis vivendi. Haec schola anno 1942 vel 1943, secundo mundi bello incipiente, finem invenit ut locus fieret praecipuus Propositi Manhatensis arcanissimi, in quo homines in rebus physicis doctissimi, duce maxima ex parte Roberto Oppenheimer, pyrobolum omnium usque ad id temporis potentissimum confinxerunt. Posthac, bello iam peracto, oppidum Los Alamos factum est, ut ita dicamus, investigationis rerum physicarum plerumque ad usus militares pertinentium caput, quo in statu adhuc stat.
Nexus interni
Nexus externi
Pinacotheca
