Quia pars incepti ab exercitu recta Manhattan District appellabatur, et nomine Manhattan paullatim totum inceptum dictum est, in principio Development of Substitute Materials (Fabricatio materiarum substitutarum) appellatum. Eo tempore hoc inceptum consilium Britannicum simile, Tube Alloys, complexum est. Inceptum Manhattense modeste anno 1939 ab epistula Leo Szilárd cum Alberto Einstein ortum est, sed crescens denique plus quam 130 000 operariorum comrephensit et duobus milibus millionibus dollaribus constitit (fere 26 milibus millionibus dollaribus anni 2016). Plus quam 90 centesimae partes sumptûs destinatae sunt ad officinas construendas et materias fissiles fabricandas, et minus quam 10 centesimae impensae sunt in ispa arma creanda. Investigationes et fabricationes in plus quam triginta locis per CFA, Regnum Britanniarum, ac Canadam factae sunt.
