Iacobus Matham

Iacobus Matham

Res apud Vicidata repertae:

Iacobus Matham: imago

Nativitas: 15 Octobris 1571, 16. saeculum; Harlemum
Obitus: 20 Ianuarii 1631; Harlemum
Patria: Res Publica Coniunctarum Provinciarum

Familia

Proles: Theodorus Matham, Hadrianus Matham, Ioannes Matham
Familia: Matham

Memoria

Sepultura: Grote Kerk

Iacobus Hadriani f. Matham (vulgo: Jacob Adriaenszoon Matham; Harlemi 15 Octobris anno 1571 natus; ibidem 20 Ianuarii anno 1631 mortuus) saeculi aurei chalcographus et delineationis peritus artifex Nederlandicus fuit.

Biographia

Apollo (anno 1591 fere)

Neptunus (anno 1626)

Scalptorum Ioannis, Theodori et Hadriani pater^[1], Henrici Goltzii discipulus privignusque fuit: anno enim 1579 Iacobi matrem in matrimonium duxit eiusque tironem cepit^[2]. Antea de 1593 usque ad 1597 in Italia^[1], praecipue in Venetiis Romaque residens^[3], et postea in urbe nativa de 1598 usque ad 1631 laboravit^[1]. Anno 1600 Harlemi Sancti Lucae Societatis comes factus est^[4]. Anno 1601 in Praga a rege Rudolphi II ad imagines aeri incidendas privilegium obtinuit^[4]. Mariam de Poelenburgh, chalcographi Simonis Poelenburgh sororem^[2], in matrimonium duxit^[1].

Maxime religiosa argumenta, pietatis tabulas etiam ferens, ruris facies^[1] et effigies, peculiariter eius aequalium aeri incisas^[3], creavit. A Henrico Goltzio, a cuius delineationibus atque picturis tot chalcographias fecit et cuius pingendi rationem adstricte transcripsit^[2], eius opera adducta sunt^[1].

Artifex fertilissimus, cum ab auctorum Italicorum operibus (ex eius vel Goltzii delineationibus)^[3], tum a Petri Pauli Rubens de 1611-1615 et Petri Aertsen operibus^[2], tot chalcographias fecit^[2][3]. Goltzii scholae chalcographis Rubens usus est quia penicilli eius effectus vere suffecerunt effigiare^[5]. Praeterea in coloris cinereis opera Rubens vel eius adiutores ad hoc paraverunt^[5].

Iohannes Everardi f. van Bronckhorst, Petrus Soutman, Ioannes van de Veldius^[1] (1613)^[2] et filius Hadrianus Matham discipuli fuerunt^[1].

Opera

• Nundinae, chalcographia a Petro Aertsen pictura, , 240 x 320 mm, 1603^[6]
• Samson et Delila, chalcographia aeri incisa a Petro Paulo Rubens, , 380 x 440 mm, 1613, Rockox House, Antverpiae^[5]
• Apollo, chalcographia, 33,97 x 22,54 cm, 1591 fere, Los Angeles County Museum of Art, Angelopoli
• Mars et Venus, chalcographia, 28,1 x 19,53 cm, 1590 fere, Los Angeles County Museum of Art, Angelopoli ^[7]
• Iohannes Sems effigies, chalcographia a Martinis Faber pictura, 1623^[8]
• Fides, Spes et Caritas, chalcographia, 1590 fere, Los Angeles County Museum of Art, Angelopoli^[9]
• Federici Henrici Auriaci effigies, chalcographia, 1602^[10]
• Neptunus, calamus cum atramento nigro, cinereo et fusco, 46,5 x 36 cm, 1626, Staatliches Museum, Suerino^[11]
• Diana, seriei Dei et Nymphae chalcographia, 30,16 x 18,73 cm, 1607-1610, Los Angeles County Museum of Art, Angelopoli^[12]
• Invidia, seriei Vitiorum chalcographia, 21,43 x 14,29 cm, 1587, Los Angeles County Museum of Art, Angelopoli^[13]
• Minervae et Mercurii foedus, chalcographia, 29,85 x 20,64 cm, 1588, Los Angeles County Museum of Art, Angelopoli^[14]

Notae

1. Rijksbureau voor Kunsthistorische Documentatie
2. The Web Gallery of Art
3. Enciclopedia online Treccani
4. Dutch Art: An Encyclopedia
5. The Web Gallery of Art - Sansone e Dalila
6. Nundinae - The Web Gallery of Art
7. Mars et Venus - Communia
8. Iohannes Sems effigies - Communia
9. Fides, Spes et Caritas - Commumia
10. Federici Henrici Auriaci effigies - Communia
11. Neptunus - Communia
12. Diana - Communia
13. L'invidia - Communia
14. Minervae et Mercurii foedus - Communia]

Bibliographia

• Emil Kren; Daniel Marx (2014). "MATHAM, Jacob". The Web Gallery of Art 
• G. I. Hoogewerff (2014). "MATHAM". Enciclopedie on line - Treccani.it 
• "Jacob Matham". Rijksbureau voor Kunsthistorische Documentatie. 2014 
• Sheila D. Muller (2011). Routledge. ed. Dutch Art: An Encyclopedia. Novo Eboraco. p. 239. ISBN ISBN 0-8153-0065-4 

Nexus externi

Vicimedia Communia plura habent quae ad Iacobum Matham spectant.

• Iacobus Matham in Amstelodami Rijksmuseum (Nederlandice)
• Iacobus Matham in Artnet (Anglice)
• Iacobus Matham in The National Portrait Gallery (Anglice)
• Iacobus Matham in Artcyclopedia (Anglice)
• Iacobus Matham - Base Joconde (Francice)