Hortus botanicus Petri Magni

Hortus botanicus Petri Magni in insula Apothecaria.

Hortus botanicus Petri Magni^[1] (Russice Ботанический сад Петра Великого), anno 1714 decreto Petri Magni inceptus, est hortus botanicus in Petropoli in insula Apothecaria^[2] (paene dimidiam partem insulae occupat) expositus. Instituti Botanici Komaroviani pars est. Plus quam 80 milia exemplarium plantarum nunc in collectione horti sunt.

Victoria amazonica in tepidario horti botanici Petri Magni.

Historia

Ab Ioanne Amman iam in insula Basilii conditus est. Gregorius Sobolewski (ab anno 1779), Carolus Antonius de Meyer (post 1831), Franciscus Iosephus Ruprecht (post 1855), Ernestus Rudolphus a Trautvetter (post 1866), Eduardus Augustus Regel (post 1875) directores horti fuerunt.

Notae

1. E.g. Index sporarum et seminum quae Hortus botanicus Petri Magni Instituti botanici nom. V. L. Komarovii academiae scientiarum rossicae pro mutua commutatione offert, Petropoli 2017. Breviter Hortus Petropolitanus, cf. seriem Acta horti Petropolitani. Plura de nominibus priscis videas: Institutum Botanicum Komarovianum.
2. Flora Petropolitana, Petropoli 1799, p. 13 (Textus apud Google Books)

Nexus externi

• Pagina officialis

Vicimedia Communia plura habent quae ad Hortum botanicum Petri Magni spectant.