Emmanuel Kazakevič
Emmanuel Henrici filius Kazakevič, Iudaeo-Germanice עמנואל קאַזאַקעװיטש, Russice Эммануил Генрихович Казакевич, tr. Èmmanuil Genrichovič Kazakevič, fuit scriptor Iudaicus et Sovietico-Russicus, natus die 11 [24] Februarii 1913 in urbe Kremenčug gubernii Poltavensis Imperii Russici, quae nunc est Kremenčuk regionis Poltavensis Ucrainae, mortuus die 22 Septembris 1962 Moscuae. Annis 1930 opera sua litteraria (ut plurimum, poemata) Iudaeo-Germanice creabat. Post magnum bellum patrium (cuius particeps ipse fuit) factus est auctor narrationum prosaicarum de bello illo Russice scriptarum (prima illarum fuit "Звезда", i.e. 'Stella', anno 1947 in lucem edita). Bis praemiis Stalinianis ornatus est.
Nexus externi
