Bremogartum[1] (Theodisce Bremgarten), etiam Prima Guardia et Bremveartum appellatum, est oppidum Praefecturae LiberaeHelvetiae, iuxta Rusam flumen.
Bremogarti 8000 civium habitant, in oppido antiquo. In ecclesia decorata Catholica Romana Bremogarti iacent ossaSancti Synesii, cuius benedictionem cives regionis Bremogarti etiam hodie amant.
In oppido quaternis annis est mercatus maximus: secunda feria paschali, secunda feria pentecostali, die Sancti Synesii, sabbato et dominica post diem Sancti Nicolai (Chrischchindlimärt). Unus ex iis ille Chrischchindlimärt (Mercatus Iesu pueri) maximus mercatus ante Nativitatis Domini Festum in tota Helvetia esse dicitur.
Bremogartum etiam districtus nominatur, cui Bremogartum est caput.
BREMOGARTUM, vulgo Bremgarten, oppid. Helvetiorum, ad Ursum amnem, 15. mill. pass. ab aquis Helvetiis, Lucernam versus. Fuit olim civitas Romani Imperii, postea Habspurgicis, et qui ex his orti, Austriis Principibus paruit. A Sigismundo Imperatore cum Mellinga, Helvetiis, qui loca haec Imperii nomine A. C. 1415. occuparunt, oppignorata est: a quo tempore octo veter. Pagorum imperium agnoscit. Fortitudine insignes incolae. Missa hic imaginesque abolitae, A. C. 1529. Restitutae sunt A. C. 1531. Imperat vicis aliquot, quos vocant Cellae praefecturam, das Keller-amt: in qua tamen summum imperium et animadversio in capitis reos Tigurinis competit. Vide Stumpf. Chron. Helv. Simlerum, Guillimannum, etc.
