Filius genitorum pauperum educatione valde arta fruebatur. Cum anno 1825 opus primum, melodrama »Gustave, ou le Napolitain« feliciter e scaenis produci potuisset, omnino generi isti se dedicare voluit. Itaque dramata popularia rustica, comoediunculas, carmina satirica vallevirensia, libellos in melica dramata iucunda, tragoedias exaravit. In summa ducenta opera pepigit, non semper sine auxilio. Dennery, Michael Masson, Victor Ducange, Eduardus Simon Lockroy, Villeneuve et Eduardus Ludovicus Brisebarre nonnumquam eum iuvabant. Sed Anicet-Bourgeois scripsit nonnulla opera, quae nomen Alexandri Dumas portant (e.g. »Térésa«, »Angèle«, »Catherine Howard«).
Novissimis annis dramatiunculas fadarum exarare solitus est. Saepius usque videri potuerunt »J'enlève ma femme«, »Passé minuit«, »La joie de la maison«. »Les trois épiciers«, »Le maître d'école«. »La petite Fadette«, »La fiole de Cagliostro«, »Pascal et Chambord«, »Cotillon III«. Drama comicum »Die schlimmen Buben in der Schule« (1847) Ioannis Nestroy Austriaci inspiratum est ab opere »Le maître d'école«.
