Кэмерон ақсүйектер тұқымынан шыққан брокер Ян Дональд Кэмерон және оның әйелі Мэри Флер отбасында, Лондон қаласында туған. Дэвид Кэмеронның ағасы Алан Александр және екі әпкелері Таня-Рэйчелл мен Клэр-Луиз бар. Бала кезінен бастап өнерге қызығулышық танытты[1].
Ол Итон колледжін және Оксфорд университетін (үздік) бітірген, сол жерде ол саясат, философия және экономикадан білім алды.
Қызмет жолы
Институтты бітіргеннен кейін, консервативтік партиясының зерттеу бөлімінде жұмыс істей бастады. Ұлыбритания Қаржы Министрінің кеңесшісі болды. 1993 жылы Кэмерон Біріккен Патшалықтың Ішкі істер министрлігінде жұмысын бастады. 1997 жылы Стаффорд округiнен сайлауға қатысты, бірақ жеңіліс тапты. Кейiн жеті жыл бойы Ұлыбританияның ең ірі медиа-компаниялардын бірінде басқарушылар кеңесінде қызмет iстейдi. 2001 жылы сайлауында Ұлыбритания Қауымдар палатасының мүшесі болып сайланды. 2005 жылы Майкл Говард отставкаға кеткеннен кейiн партия көшбасшысы сайланды. Оның басшылығы кезiнде сайлаушылар арасында партияның қолдау айтарлықтай өсуі байқалды.
Үкімет басқаруы
2010 жылы 11 мамырда премьер-министр Гордон БраунҮкімет басшысы және Лейбористiк партия көшбасшысы ретінде оның орнынан түсуi туралы жариялады[2][3] . Сол күні кешке патшайымII Елизавета Дэвид Кэмеронге үкімет қалыптастыру туралы ұсыныс жасаған[4]. 6 мамырда Кэмерон Либералдық демократтарменбилеуші коалиция қалыптастыру ниеті бар туралы жариялады. 12 мамырда соғыстан кейінгі Британ тарихында тұңғыш рет, коалициялық үкімет құрылды, ал 43-жастағы Кэмерон 1812 жылдан бастап ең жас британдық премьер-министрі атанды.
Өзінің партиясы мүшелерінің келіспегеніне қарамастан, Дэвид Кэмерон Ұлыбританиядағы бір жынысты некені қолдады. Парламенттің келіспеушілігінен бұл заң қабылдана алмады.
Халықаралық істе Кэмеронның үкіметі Ливия интервенциясына қатысты және Ислам мемлекетінің бомбалануын қолдады. 2015 жалпылама сайлауда консервативтік партияның жеңісінен кейін Дэвид Кэмерон қайта сайланды және премьер-министр болуын жалғастырды. Екінші мерзімінде ол Ұлыбританияның ЕуроОдақ құрамында болуын жалғастыру референдумын да өткізді, алайда бұл мәселе жайлы ол көпшіліктен қолдау көре алмады және Кэмеронның танымалдылығы түсті. Кейінірек ол отставкаға кетіп, Тереза Мэй премьер-министр орнын алды.
_(St_Edwards_Crown).svg)
.svg)
