Батыс Еуропадағы спутниктік теледидардың араб қызметі

Батыс еуропадағы спутниктік теледидардың араб қызметі - Батыс Еуропада қазіргі заманғы технологиямен жабдықталған және білікті мамандары бар араб құрылтайшыларының қаржысына құрылған спутниктік арналары бар.^[1]

Бұл арналардың қаржысы мол, араб әлемінде және одан тыс елдерде дамыған тілшілер жүйесі бар.

Олардың ішінде төмендегілерді атап өтуге болады:

1. Араб жаңалықтар жүйесі - ANN 1997 жылы Лондонда ашылды.
2. Араб радиосы мен теледидары - ART 1993 жылы Италияда ашылды. Оның хабарлары эфирге ARABSAT - 2 және EUTELSAT - 2 байланыс спутниктері арқылы тәулік бойы хабар таратады. Дабылды күшейту үшін PANAMSAT - 4 спутнигінде жалға алынған арна да пайдаланылады. Хабар тарату қызметі итальян жағынан жүзеге асырылады.
3. 1995 жылдан бастап Еуропа елдерінде EUTELSAT - 2 спутнигі арқылы жүзеге асырылатын еуропалық арна.
4. Америкалық арна - Солтүстік және Оңтүстік Америкаға хабар таратады.
5. Африка арнасы - Қара құрлық елдеріне бағытталған.

Қазіргі кезде араб радио және теледидар хабар тарату қызметі спутниктік Азия және Латын Америкасы арналарын пайдалануды іске қосуда.

Коммерциялық негізде өз қызметін жүргізетін бұл ұйымның негізгі ерекшелігі - Египет, Сауд Арабиясы, Тунис, Кувейт сияқты араб елдерінде, сондай-ақ Италияда телебағдарламалардың жеке өндірістік орталығының болуы.

ORBIT осы атпенен Италия аумағында хабар тарату ұйымы құрылды. 30-ға жуық Сауд компаниялары өз қаржылары мен күш-жігерлерін спутниктік хабар тарату қызметін құру үшін біріктіріп, 1994 жылы, ол мақсаттарына жетті. Бұл ұйымның қызметі коммерциялық негізде жүзеге асырылады, ол Италияның Telespasio корпорациясымен ынтымақтасады.

Ұйымның сандық техникамен жабдықталған Эр-Риядта орталығы бар. ARABSAT және INTELSAT спутниктерін пайдалану Еуропа, Солтүстік Африка, АҚШ-ты қосқанда әлемнің 140 еліне ORBIT хабарларын трансляциялауды қамтамасыз етуге мүмкіндік береді.

Алайда қазіргі кезде барлық мүмкіндіктер толық іске қосылған жоқ. ORBIT каналдарының коммерциялық қызметі Батыс телекомпанияларының хабарларын трансляциялауға көп көңіл бөледі, әсіресе, АҚШ пен Франция. Мысалы, ORBIT-тің 10 спутниктік арнасы STAR-TF француз телекомпаниясын шарт бойынша жалға пайдаланып, сол арқылы өзінің және АҚШ телекомпанияларының хабарларын көрсетеді. Сондықтан әзірге араб қаражаты ORBIT қызметін араб хабар тарату компаниясына айналдыра алмай отыр.

Дереккөздер

1. Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б. ISBN 978-601-03-0070-5