Қоһир Расулзода

Қоһир Расулзода тәж. Қоҳир Расулзода
Расулзада 2023 жылы
Лауазымы
Ту Тәжікстанның 8-Премьер-министрі Ту
23 қараша 2013 жылдан бастап
Президент	Эмомали Рахмон
Ізашары	Оқил Оқилов
Ту Соғды облысының төрағасы Ту
27 ақпан 2007 — 23 қараша 2013 (м.о. 2 желтоқсан 2006)
Өмірбаяны
Партиясы	ТХДП
Білімі	1) Тәжікстан ауыл шаруашылығы институты (1982) 2) Президент жанындағы Ресей мемлекеттік басқару академиясы (2008)
Мамандығы	құрылысшы-инженер
Дүниеге келуі	8 наурыз 1961 (1961-03-08) (63 жас) Ғафуров ауданы, Ленинабад облысы, Тәжік КСР, КСРО
Туған кездегі есімі	тәж. Абдуқоҳир Абдурасулович Назиров
Марапаттары
өңдеу

Қоһир Расулзада (тәж. Қоҳир Расулзода, туған аты-жөні — Әбдуқоһир Әбдурасулұлы Назиров, тәж. Абдуқоҳир Абдурасулович Назиров, 8 наурыз 1961, Ғафур ауданы, Ленинабад облысы) — тәжікстандық мемлекеттік қайраткер, саясаткер, әрі ТХДП мүшесі және 2013 жылдан бері Тәжікстан премьер-министрі.

Өмірбаяны

Қоһир Расулзода мен Үндістан премьер-министрі Нарендра Моди (сол жақта), 2015

Расулзода Владимир Путинмен, Тәжікстан әуежайы, 2017

Қоһир Расулзода (сол жақта) мен Татарстан президенті Рүстем Миңнеханов (оң жақта), Татарстан, Ресей, 2021

Жастығы және білімі

Абдуқоһир Абдурасулұлы Назиров 1961 жылғы 8 наурызда, Ленинабад облысы, Ғафур ауданы, Кистакуз қыстауында (қазіргі Соғды облысы, Хистеварз джамоаты) дүниеге келді.

1982 жылы ол Тәжікстан ауыл шаруашылығы институты (қазіргі Тәжік аграрлық университеті) инженер-гидротехник мамандығы бойынша білім алды. Кейінірек ол Ғафур ауданы, Хожант қаласында орналасқан «Тәжікирсовхозстрой» бірлестігінің құрылыс зертханасының техник-бақылаушысы болып еңбек жолын бастады.

Бұдан кейін Назиров өндірістік бөлімшеде инженер, бас инженер, ПМК-4 бастығы, «Тәжікирсовхозстрой» кәсіпорнының бастығы қызметтерін атқарды.

Абдуқоһир Назиров 2000 жылғы қаңтардан 2006 жылғы желтоқсанға дейін Тәжікстан Республикасының Мелиорация және су шаруашылығы министрі қызметін атқарған.

2008 жылы Мәскеудегі Ресей Федерациясы Президентінің жанындағы Мемлекеттік басқару академиясын бітірген, техника ғылымдарының кандидаты лауазымына ие болды.

Тәжікстан президентінің 2006 жылғы 2 желтоқсандағы бұйрығымен Соғды облысы төрағасының міндетін атқарушы болып тағайындалды. 27 ақпан күні лауазымды ресми түрде алады да, төрағалығын 2013 жылғы 23 қарашаға дейін жалғастырды.

2007 жылғы наурызда Абдуқоһир Абдурасулұлы Назиров құжаттағы есімін Қоһир Расулзода деп ауыстырды.

Саяси мансабы

2007 жылғы желтоқсанда және 2010 жылғы сәуірде екінші рет Тәжікстан Жоғарғы Жиналысының (Маджлиси милли) Ұлттық кеңесі (Маджлиси Оли) төрағасының бірінші орынбасары болып сайланды.

2013 жылғы 23 қарашада Қоһир Расулзада Тәжікстан премьер-министрі болып тағайындалды.^[1]

Жеке өмірі

Қоһир Расулзода үйленген, үш баласы бар. Тәжік, орыс және ағылшын тілдерін меңгерген.

Марапаттары

Қоһир Расулзоданың марапаттары тізімі:^[2]

• Тәжікстанның Еңбек сіңірген қайраткері
• ТМД Қорғанысқа жәрдемдесу қоғамы (ҚҚҚ) ұйымының «Үздік қызметі үшін» ордені, 2009
• «Фидокорона қизматлари учун» ордені, Өзбекстан, 2018
• Құрмет ордені (Ресей, 30 желтоқсан 2022) — Ресей Федерациясы және Тәжікстан Республикасы арасындағы әріптестік пен достықтың дамуына қалдырған зор үлесі үшін^[3]

Дереккөздер

1. Кохир Расулзода (персональная справка) online.zakon.kz.
2. Биография премьер-министра Таджикистана Кохира Расулзады tj.sputniknews.ru. 20 наурыз 2019.
3. Указ Президента Российской Федерации от 30.12.2022 № 980 "О награждении государственными наградами Российской Федерации"  (орыс.). Тексерілді, 1 ақпан 2024. Мұрағат көшірмесі 30 желтоқсанның 2022 Wayback Machine мұрағатында