Эритрея Ұлттық футбол құрамасы — Халықаралық футбол жарыстарында Эритреяның намысын қорғайтын құрама. Басқарушы ұйым — Эритрея Ұлттық футбол федерациясы. 1998 жылдан бері ФИФА, КАФ ұйымдарымен бірге КЕСАФА субфедерациясына да мүше.
Тарихы
Құрлықтағы аутсайдер құрамалардың бірі. Ешқашан әлем және Африка чемпионатына қатыспаған. 2018 жылғы сәуір айындағы ФИФА рейтингісінде Ангилья, Бағам аралдары, Тонга құрамаларымен бірге 207-ші орынды бөліп тұр. Қазір рейтингте бір де-бір ұпайы жоқ.
2009 жылы Кенияда өткен КЕСАФА кубогының ширек финалындағы кезекті жеңілістен құрама бұкіл футболшыларымен бірге ғайып болды. Эритреяға тек бапкер мен құрама қарауылы ғана оралды. Біраз уақыттан соң футболшылар Кениядағы тиісті ұйымға жолығып, саяси баспана сұраған.
Сілтемелер
