საფრანგეთის მესამე რესპუბლიკა (ფრანგ. La Troisième République) არსებობდა 1870 წლიდან , ნაცისტური გერმანიის მიერ 1940 წელს საფრანგეთის დაპყრობამდე, რასაც ვიშის რეჟიმის შექმნა მოყვა.
მესამე რესპუბლიკამდე არსებობდა საფრანგეთის მეორე იმპერია. საფრანგეთი აწარმოებდა ომს პრუსიასთან, 1870 წელს სედენას ბრძოლაში საფრანგეთის 80 ათასიანი არმია და იმპერატორი ნაპოლეონ III პრუსიელებს დანებდნენ. კათოლიკური ეკლესიის ხელშეწყობით 1871 წლის არჩევნებში მონარქისტებმა გაიმარჯვეს. ეროვნული კრება ბორდოში შეიკრიბა, შექმნა საფრანგეთის მთავრობა რომლის სათავეში ადოლფ ტიერი მოექცა. კრება დათანხმდა გერმანელების მიერ შემოთავაზებულ საზავო პირობებს.
ეროვნულმა კრებამ რამდენიმე წელიწადში მიიღო ქვეყნის კონსტიტუცია, რომლის მიხედვითაც საფრანგეთის მმართველი პრეზიდენტი გახდა, რომელსაც 7 წლის ვადით ირჩევდნენ.