მექსიკის გერბი – მექსიკის მთავარი პოლიტიკური და კულტურული სიმბოლო მრავალი ასწლეულის განმავლობაში. გერბი დამტკიცებულია 1968 წლის 16 სექტემბერს. გერბის ავტორია მექსიკელი მხატვარი ფრანსისკო ეპენს ელგერა.
გერბზე გამოსახულია კაქტუსზე მჯდომი მთის არწივი, რომელსაც ნისკარტით უკავია გველი. აცტეკებისთვის ამ გამოსახულებას აქვს უდიდესი რელიგიური მნიშვნელობა, ხოლო ევროპელებისათვის ესაა სიკეთის ბოროტებაზე გამარჯვების ტრიუმფი. გერბთან დაკავშირებით არსებობს ლეგენდაც.
