PC Engine SuperGrafx (იაპონ. PCエンジンスーパーグラフィックス), შემოკლებით SuperGrafx, ან PC Engine SG — მეოთხე თაობის სახლის ვიდეო თამაშების კონსოლი, შექმნილი იაპონური კომპანია NEC-ის მიერ, რომელიც იაპონიაში გამოვიდა 1989 წლის 8 დეკემბერს, ხოლო საფრანგეთში 1990 წლის მაისში. ეს არის PC Engine-ის განახლებული ვერსია და მის მსგავსად იმპორტირებული იქნა საფრანგეთში.
თავდაპირველად დაანონსდა PC Engine 2-ის სახელით და (PCエンジン2)[2] მოიაზრებოდა, როგორც ჭეშმარიტი 16 ბიტიანი სისტემა გაუმჯობესებული გრაფიკითა და აუდიო შესაძლებლობებით, რომლის გამოშვება დაგეგმილი იყო 1990 წელს, თუმცა ის ბაზარზე გამოჩნდა 1989 წელს მხოლოდ რამდენიმე განახლებით ორიგინალ კონსოლთან შედარებით.
სისტემის თამაშების ბიბლიოთეკა მეტად მწირი იყო, საერთო ჯამში გამოვიდა მხოლოდ და მხოლოდ 6 თამაში: „1941:Counter Attack“, „Aldynes“, „Battle Ace“, „Darius Plus“, „Daimakaimura“, „Madō King Granzort“. მაგრამ, იმის წყალობით, რომ SuperGrafx უკუთავსებადი იყო PC Engine-თან, მასზე ხელმისაწვდომი გახდა 700-მდე პროგრამული პაკეტი. კომერციული კრახიდან გამომდინარე, SuperGrafx-ის არცერთი მოწყობილობა არ დანერგილა მის მემკვიდრე კონსოლ PC Engine Duo-ში.
რესურსები ინტერნეტში
იხილეთ აგრეთვე
სქოლიო
|
|---|
| | სახლის კონსოლები | |
|---|
| | პორტატიული კონსოლები | |
|---|
|
