კაროლ დობიაში

კაროლ დობიაში

პირადი მონაცემები
სრული სახელი	კაროლ დობიაში
დაბადების თარიღი	18 დეკემბერი, 1947 (1947-12-18) (77 წლის)
დაბადების ადგილი	ჰანდლოვა, ჩეხოსლოვაკია
სათამაშო პოზიცია	მარჯვენა მცველი / ნახევარმცველი
ახალგაზრდული კარიერა
	ბანიკი ჰანდლოვა
პროფესიონალური კარიერა*
წლები	გუნდი	მატჩი	(გოლი)
1965–1977	სპარტაკი ტრნავა	277	(11)
1977–1980	ბოჰემიანსი პრაღა	67	(9)
1980–1983	ლოკერენი	68	(0)
1984	გენტ-ზეჰავენი
ეროვნული ნაკრები
1987–1992	ჩეხოსლოვაკია	67	(6)
სამწვრთნელო კარიერა
1984–1988	ბოჰემიანსი პრაღა (ახალგაზრდული)
1988	ჰრადეც-კრალოვე
1990–1993	ზბოიოვკა ბრნო
1993–1994	სპარტა პრაღა
1995	სპარტა-კრჩ
2003–2004	ბოჰემიანსი პრაღა (თანაშემწე)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

მიხალ ბილეკი (სლოვაკ. Karol Dobiaš; დ. 18 დეკემბერი, 1947, ჰანდლოვა, ჩეხოსლოვაკია) — სლოვაკი მწვრთნელი და ყოფილი ფეხბურთელი, პოციზიით მარჯვენა მცველი და ნახევარმცველი.

კარიერა

საკლუბო

კარიერა დაიწყო მშობლიური ქალაქის, ჰანდლოვის კლუბ „ბანიკის“ ახალგაზრდულ გუნდში. შემდეგ გადავიდა ტრნავის „სპარტაკში“, რომლის შემადგენლობაშიც 5-ჯერ გახდა ჩეხოსლოვაკიის ჩემპიონი, 3-ჯერ მოიგო ქვეყნის თასის გათამაშება, 1967 წელს კი მიტროპის თასის გამარჯვებული გახდა. 1970 და 1971 წლებში გახდა ჩეხოსლოვაკიის წლის ფეხბურთელი.^[1] 1977 წელს გადავიდა პრაღის „ბოჰემიანსში“.^[2] კარიერის მანძილზე ჩეხოსლოვაკიის ჩემპიონატში ჩაატარა 345 მატჩი და შეძლო 20 გოლის გატანა. 1980 წელს გადავიდა ბელგიურ „ლოკერენში“, სადაც 1983 წლამდე ითამაშა. კარიერა ასევე ბელგიურ გენტ-ზეჰავენში დაასრულა, 1984 წელს.

სანაკრებო

კაროლ დობიაშის დებიუტი ეროვნულ გუნდში შედგა 1967 წლის 3 მაისს, ბაზელში, შვეიცარიის ეროვნული ნაკრების წინააღმდეგ, მან 64-ე წუთზე ვლადიმერ ტაბორსკი შეცვალა.^[3] მონაწილეობა მიიღო 1970 წლის მსოფლიო საფეხბურთო ჩემპიონატზე, სამივე მატჩი შეუცვლელად ჩაატარა.^[4][5] ჩეხოსლოვაკიის ნაკრების შემადგენლობაში, 1976 წელს, დობიაში გახდა ევროპის ჩემპიონი. ფინალურ მატჩში, დასავლეთი გერმანიის ნაკრების წინააღმდეგ, ფრანც ბეკენბაუერის შეცდომის შემდეგ, 25-ე წუთზე დობიაშმა გაიტანა მეორე გოლი მეტოქის კარში. 1980 წლის ევროპის ჩემპიონატზე კაროლ დობიაში ნაკრების შემადგენლობაში იყო, თუმცა არც ერთი მატჩი არ ჩაუტარებია. უკანასკნელი მატჩი ნაკრებში ჩაატარა 1980 წლის 26 მარტს, ისევე როგორც სადებიუტო შეხვედრაში, ამჯერადაც შვეიცარიის წინააღმდეგ და ამჯერადაც ბაზელში. ჯამში ჩეხოსლოვაკიის ეროვნული გუნდის შემადგენლობაში ჩაატარა 67 მატჩი და გაიტანა 6 გოლი.

სამწვრთნელო

სამწვრთნელო საქმის დასაწყისში 4 წელი წვრთნიდა „ბოჰემიანსის“ ახალგაზრდულ გუნდს. 1988 წელს ხელმძღვანელობდა „გრადეც-კრალოვეს“, თუმცა მალევე დატოვა კლუბი. 1990 წლის სექტემბერში გახდა ბრნოს „ზბოიოვკის“ მწვრთნელი. დობიაშის პირველ სეზონში კლუბმა აჩვენა საშინელი შედეგი, დაიკავა ბოლო ადგილი ჩემპიონატში და დაქვეითდა დონით მეორე ჩემპიონატში. დობიაშმა კიდევ ერთი წელი გააგრძელა კლუბში მუშაობა და შეძლო ჩეხოსლოვაკიის უმაღლეს ლიგაში აღზევება (ამ დროისთვის კლუბს „ბობი-ბრნო“ ეწოდებოდა). 1993-94 წლების სეზონში წვრთნიდა პრაღის „სპარტას“, რომელთან ერთადაც შეძლო ჩეხეთის ჩემპიონატის მოგება. მოგვიანებით წვრთნიდა „სპარტა-კრჩ“-ს, ასევე იყო პრაღის „სპარტას“ სკაუტი. 2003-04 წლების სეზონში დაუბრუნდა მწვრთნელობას და იყო „ბოჰემიანსის“ მწვრთნელის თანაშემწე, მისი კონტრაქტი 2004 წლის იანვარში შეაჩერეს.

2008 წლის ევროპის ჩემპიონატის მიმდინარეობისას იყო სატელევიზიო არხის, Eurosport-ის ჩეხურენოვანი ვერსიის ექსპერტი.

ტიტულები

მოთამაშის

• ევროპის ჩემპიონი: 1976
• ევროპის ჩემპიონატის ბრინჯაოს პრიზიორი: 1980
• ჩეხოსლოვაკიის ჩემპიონი (5): 1967/68, 1968/69, 1969/70, 1970/71, 1972/73
• ჩეხოსლოვაკიის თასის გამარჯვებული (3): 1966/67, 1970/71, 1974/75
• ევროპის ჩემპიონთა თასის ნახევარფინალისტი (1): 1968/69
• მიტროპის თასის მფლობელი (1): 1967
• ჩეხოსლოვაკიის წლის ფეხბურთელი (2): 1970, 1971

რესურსები ინტერნეტში

• სტატისტიკა ფიფა-ს ოფიციალურ საიტზე დაარქივებული 2013-01-23 საიტზე Archive.isCategory:Webarchive template archiveis links (ინგლისური)
• პროფილი National-football-teams.com-ზე (ინგლისური)
• პროფილი slovakfutball.com-ზედაარქივებული 2011-07-16 საიტზე Wayback Machine. (ინგლისური)

სქოლიო

1. Karol Doblaš Czech. Football Association of the Czech Republic. დაარქივებულია ორიგინალიდან — 2011-05-04. ციტირების თარიღი: 2016-03-27.
2. Karol Dobias. slovakfutball.com. დაარქივებულია ორიგინალიდან — 4 მაისი 2011. ციტირების თარიღი: 4 მაისი, 2011.
3. მატჩის სტატისტიკა: შვეიცარია - ჩეხოსლოვაკია, 3 მაისი 1967 დაარქივებული 9 September 2021^{[Date mismatch]} საიტზე Wayback Machine.Category:Webarchive-ის თარგის შეტყობინებები — fotbal.cz (ჩეხური)
4. Karol Dobias. FIFA. დაარქივებულია ორიგინალიდან — 4 მაისი 2011. ციტირების თარიღი: 4 May 2011.
5. კაროლ დობიაშის სანაკრებო სტატისტიკა დაარქივებული 2011-10-05 საიტზე Wayback Machine. — fotbal.cz (ჩეხური)