აბუ ლ-აბას აჰმად იბნ ტალჰა ალ-მუვაფაქი უკეთ ცნობილი, როგორც ალ-მუთადიდ ბილაჰი; არაბ. المعتضد بالله) (დ. 854/861 — გ. 5 აპრილი, 902, ბაღდადი) — აბასიანთა სახალიფოს ხალიფა ბაღდადში 892 წლიდან 902 წელს გარდაცვალებამდე. მისი წინამორბედის, ხალიფა ალ-მუთამიდის ძმის, ალ-მუვაფაქის შვილი.
მამამისი იყო რეგენტი მისი ძმის, ალ-მუთამიდის მმართველობის პერიოდში და მნიშვნელოვან როლს ასრულებდა სახალიფოს მმართველობაში. მამა-შვილმა მრავალ მნიშვნელოვან სამხედრო კამპანიაში მიიღეს მონაწილეობა. ალ-მუვაფაქის სიკვდილის შემდეგ ალ-მუთადიდმა აიძულა ალ-მუთამიდი ტახტის მემკვიდრედ გამოეცხადებინა და მისი სიკვდილის შემდეგ დაიკავა კიდევაც ტახტი. ალ-მუთადიდის სამფლობელო ერაყით, ჩრდილოეთ სირიითა და დასავლეთი ირანით შემოიფარგლებოდა.
ლიტერატურა
- Bianquis, Thierry (1998). „Autonomous Egypt from Ibn Ṭūlūn to Kāfūr, 868–969“, Cambridge History of Egypt, Volume One: Islamic Egypt, 640–1517. Cambridge: Cambridge University Press, გვ. 86–119. ISBN 0-521-47137-0.
- Bonner, Michael (2010). „The waning of empire, 861–945“, The New Cambridge History of Islam, Volume I: The Formation of the Islamic World, Sixth to Eleventh Centuries. Cambridge: Cambridge University Press, გვ. 305–359. ISBN 978-0-521-83823-8.
- Bosworth, C.E. (1975). „The Ṭāhirids and Ṣaffārids“, The Cambridge History of Iran, Volume 4: From the Arab Invasion to the Saljuqs. Cambridge: Cambridge University Press, გვ. 90–135. ISBN 0-521-20093-8.
