ალენ დელონი

ალენ დელონი
დაბადების სახელი	ალენ ფაბიენ მორის მარსელ დელონი
დაბადების თარიღი	8 ნოემბერი, 1935 სო, საფრანგეთი
გარდაცვალების თარიღი	18 აგვისტო, 2024 (88 წლის) დუში (ლუარე, საფრანგეთი)
მოქალაქეობა	საფრანგეთი  შვეიცარია
საქმიანობა	მსახიობი
აქტიური	1957–2012
სეზარი	საუკეთესო მსახიობი კაცი 1984 — ჩვენი ისტორია
საიტი	ოფიციალური საიტი
ხელმოწერა

ალენ დელონი (ფრანგ. Alain Delon; დ. 8 ნოემბერი, 1935, სო, საფრანგეთი — გ. 18 აგვისტო, 2024, დუში (ლუარე)) — ფრანგი მსახიობი, პროდიუსერი, რეჟისორი და სცენარისტი.

ბიოგრაფია

ალენის მამა, კორსიკელი ფაბიენ დელონი ო-დე-სენის ქალაქ სოში პატარა კინოთეატრის მმართველი იყო, დედა, ედიტი კი — ფარმაცევტი. 1939 წელს მშობლები განქორწინდებიან და პატარა ალენს ჯერ ერთი ოჯახი იშვილებს, შემდეგ კი სენ-ნიკოლა დ'ინის კათოლიკურ პანსიონში მიაბარებენ, სადაც მთელ ახალგაზრდობას ატარებს. იგი მეამბოხე და უდისციპლინო ბავშვია, რის გამოც სკოლიდან 6-ჯერ გააგდებენ. მალე ალენის დედა მეორედ გათხოვდება პოლ ბულონზე, რომელიც ძეხვეულის ფაბრიკაში მუშაობს. ალენი მამინაცვლის პროფესიას ეუფლება და მოგვიანებით მის საქმიანობას აგრძელებს, თუმცა ეს საერთოდ არ ხიბლავს.

1953 წელს ალენი სამხედრო სამსახურში მიდის და ინდოჩინეთის ომში იღებს მონაწილეობას. სამი წლის შემდეგ, საფრანგეთში დაბრუნებული იძულებულია წვრილი სამუშაოები შეასრულოს საარსებო თანხის საშოვნელად. მალე იგი ხვდება ჟან-კლოდ ბრიალის, რომელიც მიიპატიჟებს კანის საერთაშორისო ფილმების ფესტივალზე. აქ განსაკუთრებულად ლამაზი გარეგნობის ახალგაზრდას მალევე ამჩნევენ. იგი რამდენიმე სასინჯ ჩვენებას გაივლის და ადვილად შეაღწევს კინემატოგრაფიის სამყაროში ყოველგვარი პროფესიული განათლების გარეშე.

1957 წელს გამოდის მისი პირველი ფილმი, ივ ალეგრეს „როცა ქალი ერევა“, რასაც ძალიან დიდი წარმატება მოჰყვება მთელს ევროპაში. ამის შემდეგ დელონის კარიერა სწრაფად ვითარდება, მასთან თანამშრომლობენ ცნობილი ევროპელი და ამერიკელი რეჟისორები. 1958 წელს, „კრისტინას“ გადაღების დროს ალენ დელონი გაიცნობს რომი შნაიდერს. ალენი ამ დროს 23 წლისაა, რომი — 20-ის. მათ ერთმანეთი შეუყვარდებათ და 1959 წლის 22 მარტს დაინიშნებიან. მათი წყვილი მშვენიერების, ახალგაზრდობისა და წარმატების განსახიერებად იქცევა შოუ-ბიზნესის სფეროში.

1960 წელს დელონი თამაშობს ლუკინო ვისკონტის ფილმში, „როკო და მისი ძმები“, რომელიც ვენეციის კინოფესტივალის ჟიურის სპეციალურ პრიზს დაიმსახურებს.

1964 წელს დელონი დაშორდა რომი შნაიდერს და ცოლად შეირთო ნატალი კანოვასი, რომელთანაც შეეძინა ვაჟიშვილი, ენტონი. 1967 წელს ალენი და ნატალი დელონები ერთად მონაწილეობენ ჟან-პიერ მელვილის ფილმში „სამურაი“. 1968 წელს, „ჯეფის“ გადაღების დროს ალენს მირეი დარკი შეუყვარდა და ცოლს დაშორდა.

1974 წელს ალენ დელონი ორგანიზებას უკეთებს საფრანგეთში კრივში საერთაშორისო ჩემპიონატს. ამავე პერიოდში ის აგებს თავლას დოღის ცხენების მოსაშენებლად და იღებს მსოფლიო ჩემპიონის ტიტულს ჯირითში. 1978 წელს იწყებს თავისი სახელობის სუნამოს, შამპანურის, კონიაკის, მაჯის საათების, სათვალეების, სიგარეტის, ტანსაცმლისა და აქსესუარების გამოშვებას ჟენევაში. ამ წამოწყებას მსახიობისთვის უზარმაზარი შემოსავალი მოაქვს. მალე დელონი შვეიცარიაში სახლდება და მოქალაქეობასაც იღებს.

1987 წელს დელონი ცოლად ირთავს ნიდერლანდელ მანეკენს, როზანი ვან ბრიმენს, რომელთანაც 1990 წელს შეეძინება ქალიშვილი, ანუშკა და 1994 წელს - ვაჟიშვილი, ალენ-ფაბიენი. 2001 წელს ფოტოგრაფი კრისტიან აარონ ბულონი გამოსცემს მოგონებების წიგნს „სიყვარული არასოდეს ივიწყებს“, სადაც ამტკიცებს, რომ იგი ალენ დელონის არაღიარებული შვილია. მომდევნო წელს როზალი ვან ბრემენი ალენ დელონს მიატოვებს, რასაც 67 წლის მსახიობი მწვავედ განიცდის.

2003 წელს კლაუდია კარდინალე მას მარაქეშის საერთაშორისო ფილმების ფესტივალზე „ოქროს ვარსკვლავს“ გადასცემს, ორი წლის შემდეგ კი ჟაკ შირაკი საპატიო ლეგიონის ორდენს მიანიჭებს მსოფლიო კინემატოგრაფიაში შეტანილი წვლილისთვის. 1999 წელს ჟურნალ „FORBES“-ის გამოკითხვით საუკუნის მამაკაცად აღიარეს.

ფილმოგრაფია

წელი		ქართულად	მშობლიური სახელწოდება	როლი
1957	ფ	როცა ქალი ერევა	Quand la femme s'en mêle	ჟო
1958	ფ	იყავი ლამაზი და გაჩუმდი	Sois belle et tais-toi	ლულუ
1962	ფ	კრისტინა	Christine	ფრანც ლობჰაინერი
1959	ფ	სუსტი ქალები	Faibles femmes	ჟულიენ ფენალი
1959	ფ	მოსწავლეთა გზა	Le chemin des écoliers	ანტონ მიკუ
1960	ფ	როკო და მისი ძმები	Rocco e i suoi fratelli	როკო პარონდი
1960	ფ	თაკარა მზე	Plein Soleil	ტომ რიპლი
1961	ფ	რა სასიხარულოა ცხოვრება	Che gioia vivere	ულისე
1961	ფ	ცნობილი სიყვარულები	Les Amours célèbres	პრინცი ალბერტი
1961	ფ	დაბნელება	Eclipse	პიერო
1962	ფ	ეშმაკი და ათი მცნება	Le diable et les dix commandements	პიერ მესაჟე
1963	ფ	ლეოპარდი	Il Gattopardo	ტანკრედი
1963	ფ	შავი ტიტა	La Tulipe noire	გიიომი
1963	ფ	მელოდია სარდაფიდან	Mélodie en sous-sol	ფრანსისი
1964	ფ	დაუმორჩილებელი	L'Insoumis	თომას ვლასენროტი
1964	ფ	ყვითელი როლს-როისი	The Yellow Rolls-Royce	სტეფანო
1965	ფ	მკვლელები სან-ფრანცისკოდან	Once a Thief	ედი პედაკი
1965	ფ	პარიზი იწვის?	Paris brûle-t-il?	ჟაკ შაბან-დელმა
1966	ფ	ტეხასო, აი ჩვენც!	Texas nous voilà	დონ ბალდაზარი
1966	ფ	ცენტურიონები	Lost Command	კაპიტანი ფილიპი
1967	ფ	თავგადასავლების მაძიებლები	The Last Adventure	მანიუ
1967	ფ	სამურაი	Le Samouraï	ჯეფ კოსტელო
1968	ფ	მშვიდობით, მეგობარო	Adieu l'ami	დინო ბარანი
1968	ფ	მოტოციკლეტი	La Motocyclette	დენიელი
1968	ფ	აუზი	La Piscine	ჟან-პოლი
1969	ფ	ჯეფი	Jeff	ლორენი
1969	ფ	სიცილიური კლანი	Le Clan des Siciliens	როჟე სარტე
1970	ფ	მედლი	Madly	ჟულიენ დანდიუ
1970	ფ	ბორსალინო	Borsalino	როკო ზიფრედი
1970	ფ	წითელი წრე	Le Cercle rouge	კორეი
1971	ფ	წითელი მზე	Soleil Rouge	გაუჩე
1971	ფ	ტროცკის მკვლელობა	The Assassination of Trotsky	ფრენკ ჯეკსონი
1971	ფ	ქვრივი კუდერკი	La Veuve Couderc	ჟან ლავინი
1971	ფ	პოლიციელი	Un flic	ედუარდ კოლემანი
1972	ფ	პროფესორი	La prima notte di quiete	დანიელ დომინიკი
1973	ფ	შოკის მკურნალობა	Traitement de choc	დოქტორ დევილერსი
1973	ფ	ტონი არცენტა	Tony Arzenta	ტონი არცენტა
1973	ფ	სკორპიო	Scorpio	ჟან ლაურიე
1973	ფ	დამწვარი საკუჭნაოები	Les Granges brûlées	მოსამართლე ლარშერი
1973	ფ	ღმერთების რასა	La Race des seigneurs	ჟულიენ დანდიუ
1973	ფ	ორნი ქალაქში	Deux hommes dans la ville	ჯინო სტრაბილი
1974	ფ	ბორსალინო და კომპანია	Borsalino & Co.	როკო ზიფრედი
1975	ფ	ზორო	Zorro	ზორო
1975	ფ	ბოშა	Le Gitan	ჰუგო სენატი
1975	ფ	პოლიციელის ისტორია	Flic Story	როჯერ ბორნიშე
1976	ფ	ბუმერანგივით	Comme un boomerang	ჟაკ ბატკინი
1976	ფ	არმაგედონი	Armaguedon	მაიკლ ამბროიზი
1976	ფ	ბატონი კლეინი	Monsieur Klein	რობერტ კლეინი
1977	ფ	აჩქარებული ადამიანი	L'Homme pressé	პიერ ნიო
1977	ფ	გაიძვერას სიკვდილი	Mort d’un pourri	ქსავიე მარეშალი
1977	ფ	განგი	Le Gang	რობერტი
1978	ფ	ფრთხილად, ბავშვები გვიყურებენ	Attention, les enfants regardent	კაცი
1979	ფ	აეროპორტი 79 კონკორდი	The Concorde… Airport '79	პოლ მეტრანი
1979	ფ	სამხედრო ექიმი	Le Toubib	ჟან-მარი დესპრი
1980	ფ	თეირანი-43	Teheran 43. Nid d'espions	ინსპექტორი ფოში
1980	ფ	სამი ზედმეტია	Trois Hommes à abattre	მიშელ ჟერფო
1981	ფ	პოლიციელის ტყავისთვის	Pour la peau d'un flic	ჩუკასი
1982	ფ	შოკი	Le choc	მარტინ ტერიე
1983	ფ	სვანის სიყვარული	Un amour de Swann	ბარონი დე შარლიუ
1984	ფ	ჩვენი ისტორია	Notre histoire	რობერტ ავრანში
1985	ფ	პოლიციელის სიტყვა	Parole de flic	დენიელ პრატი
1986	ფ	პასაჟი	Le Passage	ჟან დიაზი
1988	ფ	ნუ გააღვიძებ მძინარე პოლიციელს	Ne réveillez pas un flic qui dort	კომისარი ეჯენ გრინელი
1990	ფ	ახალი ტალღა	Nouvelle Vague	ლენოქსი
1992	ფ	კაზანოვას დაბრუნება	Le Retour de Casanova	კაზანოვა
1992	ფ	კრიმინალი	Un Crime	ჩარლ დურანი
1995	ფ	სიმონ სინემას ას ერთი ღამე	Les cent et une nuits de Simon Cinéma	კამეო
1996	ფ	დღე და ღამე	Le Jour et la nuit	ალექსანდრე
1997	ფ	ორიდან ერთი შანსი	Une chance sur deux	ჟულიენ ვინალი
1999	ფ	მსახიობები	Les Acteurs	კამეო
2008	ფ	ასტერიქსი ოლიმპიურ თამაშებზე	Astérix aux Jeux Olympiques	იულიუს კეისარი
2008	ფ	ახალ წელს გილოცავთ, დედებო!	С новым годом, мамы!	კამეო

რესურსები ინტერნეტში

ვიკისაწყობში არის გვერდი თემაზე:

ალენ დელონი

• ალენ დელონის ოფიციალური საიტი დაარქივებული 2008-10-02 საიტზე Wayback Machine.
• ალენ დელონი — კინოფილმების ინტერნეტ მონაცემთა ბაზა (ინგლისური)
• ალენ დელონი
• ალენ დელონის ფოტოები დაარქივებული 2009-02-08 საიტზე Wayback Machine.