Sunak hefur verið þingmaður frá 2015 og gegndi embætti fjármálaráðherra frá 2019 til 2020. Í júlí 2022 bauð hann sig fram til forsætisráðherra eftir að Boris Johnson sagði af sér en tapaði fyrir Liz Truss. Truss var ekki lengi í embætti og eftir stjórnarkreppu í október sama ár sagði hún af sér. Sunak hafði betur í leiðtogavali Íhaldsflokksins og varð fyrsti forsætisráðherra landsins af asískum ættum og sá yngsti síðan 1812.
Sunak lét efna til þingkosninga þann 4. júlí árið 2024 en í þeim kosningum galt Íhaldsflokkurinn afhroð á móti Verkamannaflokknum. Sunak tilkynnti í kjölfarið að hann myndi segja af sér sem leiðtogi Íhaldsflokksins.[2]
Einkahagir
Sunak er af indverskum ættum og er hindúi. Hann er giftur Akshata Murty, dóttur indversks milljarðamærings. Hjónin eru 222. ríkasta par Bretlands. Murty hefur verið gagnrýnd fyrir að telja erlendar tekjur af fyrirtækjum sínum ekki til skatts Í Bretlandi.
.jpg)
_(St_Edwards_Crown).svg)
