Sir Michael Edward Palin (fæddur 5. maí1943 í Ranmoor, Sheffield) er enskur grínleikari, rithöfundur og sjónvarpskynnir. Hann var meðlimur enska grínhópsins Monty Python. Frá 1980 hefur hann gert fjölda heimildamynda og bóka um ferðalög sín um heiminn. Hann hefur einnig leikið í kvikmyndum og sjónvarpsþáttum. Palin hlaut BAFTA-verðlaun fyrir leik í aukahlutverki í kvikmyndinni A Fish Called Wanda (1988). Hann var sleginn til riddara árið 2019 fyrir framlag sitt til ferðamála, menningar og landafræði.
